梁思浩當年與無綫不歡而散 18年後受曾志偉邀請高調回巢仲要求同死敵對話？！

梁思浩當年不歡而散離開無綫，之後他便主持及製作過不少靈異節目，深受東南亞觀眾喜愛，更有「東南亞鬼王」之稱；相隔接近18年，曾志偉親自邀請梁思浩回巢，仲主持兼監製全新靈異真人騷。多年來梁思浩對死敵樂易玲多次公開指罵，更指一日有樂易玲在都返唔到娘家，今次高調「擺架回朝」，仲要求同樂易玲三口六面對談，究竟會否再次掀起罵戰呢？

文：東方新地｜圖：新傳媒圖片、IG@leung_sze_ho_｜編輯：HM（原文刊於：東方新地）

梁思浩不歡而散離巢無綫18年

梁思浩當年不歡而散離開娘家，曾多次開名指與當時無綫高層陳志雲及樂易玲有仇，更曾指只要一日兩大高層還在無綫，他也無法返回巢﹗相隔接近18年，梁思浩獲邀回巢並委以重任擔任靈異真人騷主持及監製﹗最後決定離開合作十多年的有線《怪談》系列﹗

梁思浩樂易玲曾志偉 — 梁思浩八月在九展舉行香港首個靈異show，在台上宣布即將離開合作十七年的《怪談》系列﹗直至近日梁思浩才對外承認返無綫，因為雙方簽了保密協議﹗（圖片來源：IG@leung_sze_ho_ ）

梁思浩接受了11份媒體專訪大談回巢無綫

梁思浩高調重返無綫，近日接受不同媒體訪問，他在社交網透露一口氣接受了11份媒體訪問，他在訪問中直指對與合作17年的有線關係好好，決定離開大感不捨，但對娘家TVB卻有份特別感情，坦言見到曾志偉回巢努力救台，自己也大受感動，因為呢份對娘家情是筆墨不能形容的﹗

梁思浩、樂易玲隔空舌戰

梁思浩04年被無綫炒魷，當年他喊住離開無綫並召開記者會，點名反擊樂易玲指他多年無劇拍的指控，並以自己做現場節目超過一萬小時，反指樂易玲睇電視唔夠一萬小時﹗隔空舌戰從此交惡，梁思浩離巢後多次公開狠批舊東家無綫，早年歐陽震華不獲續約，梁思浩挺身護友指有人從中作梗，不時數落他口中的「大媽高層」，又曾指無綫有一份黑名單，自己榜上有名，所以一日樂易玲在位無綫，他也無法返回娘家﹗故此梁思浩回巢無綫，外界都把焦點落在他和樂易玲多年恩怨上﹗

梁思浩願意講對唔住﹗

梁思浩接受媒體訪問時談及樂易玲時態度一百八十度轉變，並指透過中間人主動搵樂易玲對話，指自己人大了，學識放下，希望可以親自同對方就當年的衝動道歉，更表明唔介意講對唔住﹗

梁思浩主持通靈選秀真人騷

梁思浩返娘家第一擊主持及製作通靈真人騷《通靈王》，在無綫節目巡禮播出片段中，梁思浩話：「係我呀﹗我返嚟唔係講鬼故﹗…你識唔識心靈感應、傳心術？可唔可以預知未來呀？可以就即刻嚟搵我﹗呢個可能係史上首個通靈選秀真人騷，有最強的通靈大師，我碌卡請嘅一定有料到，我會喺你哋度選出真正有能力者﹗佢就會成為通靈王﹗」