「台灣林明禎」火辣林襄著恤衫跳熱舞震撼眼球 網民：包到咁密實都咁性感！

戴住口罩著到密實都難掩女神魅力

有「啦啦隊女神」之稱嘅林襄現職為中華職棒「Rakuten Girls樂天女孩」成員，經常出席樂天桃園球場嘅應援活動。早前有網民上載一段林襄參加「OL應援服」為主題嘅活動片段。片段中林襄衣著尚算保守，並無刻意打扮清涼賣弄性感，佢身著白色短袖恤衫，配黑色貼身皮裙，配搭一頭波浪長髮，一身OL打扮，戴住口罩跟住音樂跳舞應援。即使打扮密實，林襄跳舞時依然難掩其玲瓏浮凸嘅好身材，上圍不時呈現逼爆視角效果。而林襄就算戴住口罩，亦無損其可愛迷人嘅氣息，片段上載僅3星期就有接近400萬次瀏覽量，相當驚人。而早前林襄亦曾係抖音上分享一段在球場上搶拍子甩beat嘅影片，影片中林襄發現自己甩beat後尷尬甜笑，表現十分可愛，而短短12秒嘅影片發佈一日就累計40萬次瀏覽！

網民係Youtube上載林襄參加「OL應援服」為主題嘅活動片段，僅3星期就有接近400萬次瀏覽量！

其他跳舞片：

新一代寫真女神 寫真火速售罄

而林襄亦有「寫真女神」嘅稱號，皆因林襄雖然竄紅成名不久，但已經出過2本寫真，而且銷量驚人，繼去年推出寫真《與你襄遇》後不久，就已經推出第二本寫真集《與你襄愛》，私藏版係開賣30分鐘內售罄，一般版就係開賣首日銷售一空。而林襄嘅寫真亦毫不吝嗇展現完美身體曲線。佢曾坦言私下為咗維持最佳狀態下足苦工，護膚健身兩不誤。