黎明演唱會｜黎明、林日曦拖手合唱《但願不只是朋友》激嬲老婆 全場觀眾起哄大叫「大叔的愛」
文：東方新地、八卦妹｜圖：林日曦IG、寰亞娛樂（部份原文刊於：東方新地）
黎明演唱會邀林日曦任嘉賓 多謝Leon隔咗咁耐終於肯開紅館
黎明演唱會昨晚（12/7）邀請到「腦細」林日曦擔任嘉賓，二人雙雙升上台後，獲全場掌聲歡迎，林日曦對Leon說：「你啲歌迷真係有禮貌，佢哋見到我升上台都盡力掩飾住嗰份失望，繼續歡呼拍掌。」然後他對觀眾說：「你估我唔知你哋諗咩，前晚嘉賓係林海峰，噚晚嘉賓係Sammi，今晚都應該係Mirror或者係子華……但sorry，係我呀！對唔住你哋，我真係好鄭重同紅館嘅歌迷講『對唔住』，冇錯，今晚嘅嘉賓好不幸係我，林日曦。」即獲全場大笑。
之後，「腦細」林日曦再指：「你哋買飛入嚟唔係睇嘉賓，要諗返你哋個初心，買飛係睇Leon嘛！我都係Leon嘅朋友。希望大家大人有大量，原諒我好冇？」全場齊聲回答「好」，林日曦就對Leon表示：「佢哋真係話『好』，佢哋係真心見到我做嘉賓而失望。有你喺度，佢哋暫時原諒咗我！」隨後更親口同黎明講一句：『多謝你，Leon，你隔咗咁耐終於肯開紅館！』」
林日曦建議黎明開「真‧Talk Show」
在台上，林日曦分析今次演唱會名：「今次個演唱會叫『Talk＆Sing』，Talk比Sing前，代表Leon終於公開承認自己鍾意講嘢多過唱歌！我可唔可以要求Leon下次真係開talk show？（台下大聲歡呼）為咗鼓勵你開Talk Show，我連名都幫你諗埋，今次叫做『Talk＆Sing』，下次叫做『Talk＆Talk』，淨係talk冇sing。」跟住就望一望黎明：「佢好似唔係好鍾意，不如叫『情深金句未曾講』。又好似唔多鍾意，真係好難服侍，不如就叫做『對不起我愛講嘢』。」
黎明聽了兩個「騷名」後，終開口說：「其實兩個名都幾好，不如我casual啲叫『夏日傾偈』！」全場聽後拍掌歡呼，而林日曦就指「黎明真係黎明，就等我幻想下先，2022年夏天『黎明Talk Show之夏日傾偈』，真心得喎，我都想睇。」問觀眾：「你哋會唔會買飛？」全場觀眾大叫「會」。
黎明、林日曦重演邀請任嘉賓的電話對話
林日曦準備退場時就笑言見到有很多人去廁所，已是完成今日任務是時候落台，但黎明即叫住他，並笑稱：「你今日唔嚟，本來只係一個正常黎明演唱會，腦細嚟咗，將成個紅館變成公司例會。」林日曦聽後即指黎明又爆金句，之後二人就連珠講出有關「明同唔明，以及幾時會明」的金句：「好多人問我平時點同黎明傾偈？我心諗：有幾難明？明就明，唔明就黎明！」、「係囉，今日唔明，聽日自然明架啦！」。
二人然後重演邀請任嘉賓的電話對談，並以「香檳」來作比喻，黎明說：「曦，我紅館開台想搵你做嘉賓。你知嘉賓好似香檳咁，唔飲無問題，飲咗更加High。」林日曦答：「做嘉賓無問題，有無酬勞？因為酬勞好似香檳咁，有都得，無就更佳！」黎明又說：「酬勞無問題，你肯唱歌嘅話，酬勞更加高！」林日曦表示唱歌無問題，但有「走音」壞習慣，Leon說：「走音無問題，睇吓你揀邊首歌？揀啱歌，點走音都只係留喺紅館入面啫！」全場爆笑。林日曦說：「揀歌同揀朋友，最緊要真心。我睇返我哋之前拍廣告，踩單車嗰次，都算係『初代大叔的愛』，所以揀咗一首你嘅舊歌，你俾隻手我。（他們手拖手，觀眾尖叫）呢首歌代表我嘅心聲：《但願不只是朋友》。」他們手拖手對唱，更不時情深對望，全場大合唱，掀起高潮！
事後「腦細」就在IG撰文向觀眾「道歉」
林日曦現身黎明紅館演唱會，擔當第三場嘉賓，與LEON手拖手演唱《但願不只是朋友》，不過事後「腦細」就在IG撰文向觀眾「道歉」：
To 今晚紅館所有觀眾
好對唔住，今晚Leon演唱會嘅嘉賓，竟然係我 。
你哋一定心諗：前晚係林海峰，尋晚係Sammi.. 今晚，仲唔係Mirror？定係子華呀？
Sorry，冇Mirror，冇子華；得我，林日曦係我衰，Leon好好人叫埋我去玩，我冇拒絕到
而我呢排要做舞台劇，得今晚去到，所以…我要再次鄭重同今晚嘅觀眾道歉，同時，要恭喜之後場數嘅觀眾…你哋一定唔使見到我，恭喜恭喜
林日曦還上載了與LEON台上拖手的連環圖，網民留言笑稱「每一張相個樣都好虧」：
拖手合唱《但願不只是朋友》老婆表示不滿
林日曦與黎明台上拖手的場面，得到不少觀眾叫好，頻呼「大叔的愛」，不過其太太 the pancakes就唔係咁諗：
2016 – 2017 合作賣咖啡
林日曦與黎明在2016-2017年間先後拍攝了兩條網絡廣告片，為白咖啡品牌拍攝廣告，當時還惡搞了《對不起我愛你》、《情深說話未曾講》的歌詞，合計超過200萬點擊！
黎明與林日曦當年的咖啡廣告，不但連拍兩輯，更惡搞了自己的經典電影《甜蜜蜜》，故事中也不介意自嘲重演走音事件！
https://www.youtube.com/watch?v=KPLC0_qJXXA
