林家謙飛米蘭升格時裝達人 網民爆「黑歷史」:專注音樂,唔好sell樣!
林家謙獲邀出席米蘭時裝周
整個八月,大家都在談論林家謙演唱會,連陳奕迅都被指要借後輩個舞台,去為年尾演唱會試水溫。林家謙人氣一時無兩,近日被品牌邀請到米蘭出席時裝騷,成為香港唯一代表,同場都是大紅人及時裝界猛人,林家謙興奮在社交網分享,正式升呢時裝達人!不過卻遭「前夫」爆出「黑歷史」!
![林家謙 林家謙分享到米蘭出席時裝騷,被一眾「前夫」勸唔好sell樣!](https://imgs.nmplus.hk/wp-content/uploads/2022/09/21e190eb-dcf1-4303-85f4-7d00e91f7fed_1744283976633118f0d6c50.jpeg)
林家謙獲「林太」支持 惹「前夫」妒忌?!
林家謙人紅指數,睇坊間忽然有大批自居「林太」就知,近日一眾「前夫」懷疑妒忌心作崇,在討論區連開多個帖文,齊反林家謙現象,「唔該做音樂就算,千祈唔X好行靚仔路線」、「唔好以為紅咗,就等如靚仔,明明只係一條四眼仔」、「唔該戴番個眼鏡先啦!」、「求吓唔好再sell樣」、「有音樂才華,唔代表可以行偶像路線呀」、「求求佢唔好再擺埋啲三七臉、chok甫士,好難頂」等。更貼出林家謙未出道歌手時的相,力證他無星味,「成個補習阿蛇咁」、「普通過普通,班林太口味真係奇怪」、「成日吹奏佢靚仔班人盲」、「成個路人咁」、「喃嘸佬個樣天生炒車」。
「林太」反擊:家謙BB係走可愛路線!
「前夫」出手,一班「林太」立即反擊力撐林家謙實力與外表兼備,「我哋撐BB關你哋咩事」、「我哋無話佢靚仔,係得意可愛,性格又討喜」、「你有你哋反,家謙去咗米蘭就係事實,品牌都覺得佢有型又潮先請佢」、「家謙BB一向可愛路線」、「我唔理佢係鍾意男定女,但我就係要做林太」、「唯一香港代表,證明家謙BB不但衝出亞洲,仲正式成為潮流指標囉」等。
![林家謙 網民貼出不少林家謙舊照,力證他無條件走偶像路線!](https://imgs.nmplus.hk/wp-content/uploads/2022/09/-2022-09-26-10.11.37_1888580330633119ed48766.png)
怕醜文青變自信型男
2019年出道時走文青唱作歌手路線的林家謙,個人單曲《下一位前度》,及後一手包辦《一人之境》而走紅,2020年出首張個人專輯,火速售罄。過去一年成為不少廣告代言,曝光率勁高!自此不時除下其大標記眼鏡框,經重新打造造型後,不時自信拍大頭照、Chok爆唔笑影相!
![林家謙 名牌包包都搵佢代言。](https://imgs.nmplus.hk/wp-content/uploads/2022/09/1eaa911a-7f5e-4009-8a60-2cb583d379d2_214200259563311b9f936a0.jpeg)