林子善婚前情慾對話洩露！ 『L小姐』原來之前被點錯相？真正女主角曝光？！
撰文：東方新地｜圖片：東方新地、Instagram、東星娛樂｜編輯：CC＠Central
林子善婚前情慾對話洩露 女主角被點錯相？
林子善與老婆Kary上年拉埋天窗，但近日被曝出在與老婆Kary分手的真空期間力追圈中女藝人L小姐，更傳出情慾短訊，部分內容更提及：「我攞咗啲預防愛滋病嘅避孕套。」、「我正在床上，聞你殘餘的氣味。」實在令人嘩然。林子善入行以來其實緋聞不多，不過剛好在他與Kary分手期間，與歌手黃思迦傳出緋聞，不過後來緋聞又不了了之，所以有網民推測事件的女主角是黃思迦。
林子善與老婆一度分手
雖然林子善與老婆Kary終成眷屬，不過兩人曾經歷不少波折，子善自爆兩人曾一度分手，原因係女方家人催婚，令自己壓力爆煲；加上當時事業發展未如理想，唔想拖累Kary，希望對方可以搵一個更好的另一半。
曾力追圈中人L小姐
今日有報道指，林子善喺同Kary分手到復合的個幾月真空期，曾力追一位圈中女藝人L小姐，發動肉麻短訊和錄音攻勢，甚至帶埋對方去見鄭嘉穎等一眾《鐵馬尋橋》的好兄弟。據知鄭嘉穎等人仲叫L小姐做「阿嫂」，令其非常受落。
情慾對話流出
報道更公開林子善與L小姐的錄音和短訊，如「經過昨晚0.01接觸，令我更加掛住你呢隻寶貝！」、「我正在床上，聞你殘餘的氣味。」等說話，令人嘩然。不過據知兩人拍拖個幾月後，子善認為與L小姐性格不合，加上好友唐詩詠力勸佢應該珍惜Kary，最終浪子回頭，與Kary復合。
林子善獲老婆信任
林子善回覆傳媒時，對此事直認不諱，更稱老婆Kary亦一早知道呢個女仔的存在，因為坦白的子善在跟Kary復合後，已將L小姐整件事和盤托出。早喺兩人婚前兩個月，呢位L小姐更透過facebook將子善與自己的對話內容send畀Kary，故子善對今次對話流出並唔意外。
唔打算開名
林子善又指，當時自己絕對唔係因為鍾意L小姐而同Kary分手，當時自己係單身，單身拍拖好正常，又唔係偷食。對於兩人拍拖個幾月就分手，子善就話最大的原因，係佢太掛住Kary！子善最後強調，佢同老婆的關係唔會因此變差，佢亦唔打算公開L小姐身份，唔想傷害對方，因為對方亦係圈中人，而且又未嫁人。
林子善同老婆睇完得啖笑
林子善好快在社交網站回應，表示同太太睇完單新聞都係得啖笑，心情並沒有受影響，而且事件其實已經係兩年半前發生，所以唔會再回應咁多。子善貫徹其鬼馬本色，貼上一段電影片段，正正係黃秋生講「我攞咗啲預防愛滋病嘅避孕套。」的電影片段！
正印林太勸女方放低
林子善回應後，正印林太Kary亦在網上發聲，貼上與子善的甜蜜合照之餘，亦表示唔會受到呢件事影響，多謝大家關心，仲叫該位L小姐早日放低…
