林子博為病妻打氣：呢位醫生唔使理！遇上不盡責醫生「放棄式」治療 Shirley：救命！都唔知點算！

撰文：海月丨圖片：林子博FB、董燕君FB

林子博為病妻打氣：呢位醫生唔使理！遇上不盡責醫生「放棄式」治療 Shirley戒嗎啡破壞神經線手術止痛

藝人林子博的太太董燕君（Shirley）去年罕見癌症「平滑肌肉瘤（腹腔）」第4期，加上林子博不獲TVB續約，面對太太病情及一家四口日常開支，失業無疑係雪上加霜。林子博的一眾好友藝人以及親友咗一眾親友第一時間向林子博伸出援手。

Shirley在去年底完成為期半年的化療，不過最近因病情反覆，不時突然感到劇痛需再度入院留醫。Shirley出院後直指醫生只用嗎啡成份藥物幫她控制病情，近日更已食了20日嗎啡藥，不過因副作用越來越多，所以決定戒嗎啡，轉為進行「破壞神經線手術」去止痛。

Shirley原文：

「食咗20日嗎啡藥！副作用越來越多，決定戒咗佢！已經停藥第二日，點知食又辛苦、戒又辛苦！估唔到戒藥都有好多不適反應！例如：依賴上嗎啡的成癮者，突然停止使用後，一般在停藥5到6個小時之後，會有明顯的戒斷反應，包括渴藥、不安、打呵欠、流淚、流鼻水、盜汗、失眠、厭食、腹瀉、噁心、嘔吐、發冷、腹痛、肌肉疼痛、『冷火雞』(身體發冷及起雞皮疙瘩)等症狀，約經七至十天症狀會漸趨緩和。以上徵狀我中咗好多樣，我而家個感覺好似吸毒戒白粉一樣！流鼻水、腹痛、發冷、嘔心、失眠、厭食、肌肉疼痛及不安。最令我覺得辛苦嘅係不安！原來一個人有不安情緒係好辛苦！兩日我都就快頂唔順，仲要捱七至十日！救命！都唔知點算！」

「上次（1/8）入病房第一個見嘅醫生，佢同我講，如果你有事，我哋係唔會用心肺復甦法搶救你，因為你做過化療啲骨好脆弱，會承受唔到，我當時心諗，點解講到好似就快死咁嘅！今次（21/8）再入醫院，我再次見到呢個醫生，因為我個腫瘤好痛，佢幫我做咗一個微創治療，做之前，佢同我講，做咗都好嘅，如果你有咩心願未了，襯呢段時間可以做埋佢！又係講到我好似就快死咁！」

老公林子博留言為愛妻Shirley打氣，直指：「點解有啲醫生，可以做到顧問醫生、甚至教授？因為佢哋有鍥而不捨嘅精神，不斷思考同研究點樣醫好病人，唔會咁輕易放棄！所以有料嘅醫生，更加唔會同病人講一啲放棄嘅說話。雖然睇你呢個係腫瘤科醫生，但好明顯佢只係打份工嘅心態，少做少錯！唔做唔錯！老婆，呢位醫生唔使理，因為佢唔係你嘅主診醫生！」。

一眾網民得知事件後亦紛紛為Shirly打氣：