東張西望︳台慶訪問2大尷尬位 朱晨麗公然flirt方力申 「假閏蜜」被督爆

東張訪問2大尷尬焦點！

《美麗戰場》朱晨麗公然flirt方力申

東張西望播出其台慶亮燈儀式的訪問，其中一個就係訪問《美麗戰場》劇中藝人同埋導演葉念琛。被問到劇中有一幕係朱晨麗同方力申激吻時，方力申表示已經係咁多「你見咁多就係得咁多架咋，無架啦」，點知朱晨麗突然話「如果收視好，我哋encore囉」再問導演葉念琛好唔好，似乎公然flirt方力申，仲要當住緋聞對象陳瀅，搞到眾人都尖叫起嚟！不過導演葉念琛無奈反應「問演唱會咩，呢啲都encore…」

唐詩詠黃翠如被督爆「假閏蜜」？

東張再訪問唐詩詠黃翠如，首先講到唐詩詠同黃翠如情同姊妹企埋一齊，仲話幫對方節目宣布，其後訪問問到2人知唔知對方搞緊咩新劇同節目時，黃翠如一口答出唐詩詠的新劇名《超能使者》，對反唐詩詠淨係不斷尷尬笑，黃翠如仲話「友誼就睇呢度架啦」，但唐詩詠都係唔識答，仲反指黃翠如無話俾佢知，東張訪問都忍唔住話「你頭先唔係睇咗咩」，然後黃翠如話個節目名叫「無心」，最後自己唯有講返個節目名完場。

睇返成個亮燈儀式 主席許濤主禮

無綫主席許濤主禮儀式，並由新鮮出爐的港姐冠軍林鈺洧陪同。無綫總經理曾志偉於亮燈儀式公佈安排四套台慶劇為《超能使者》、《美麗戰場》、《下流上車族》及《新四十二章》。

四套台慶劇輪流上

今年台慶劇頭炮有10月3日播出，陳瀅、劉佩玥、蔣家旻和陳山聰主演的《美麗戰場》；10月17日播出，由林敏驄、江美儀、郭柏妍和羅毓儀主演的《下流上車族》。之後接捧的有儲倉兩年終於播映的《超能使者》，10月31日晚上播出，由陳展鵬、唐詩詠、陳山聰、劉穎鏇和劉佩玥主演。11月14日晚則播映由陳豪、龔嘉欣、江嘉敏和周嘉洛主演的《新四十二章》。陳山聰與劉佩玥都在2套台慶劇擔正，備受力捧，之後台慶頒獎禮隨時叫雙飛。

另一方面，10月3日開始ViuTV亦將會推出四劇有MIRROR份的新劇，包括江𤒹生、楊樂文、王智德、邱傲然主演的《繩角》；盧瀚霆、柳應廷、魏浚笙主演的《百萬同居計劃》；姜濤、Ian陳卓賢、Edan呂爵安等主演的《季前賽》；以及Frankie陳瑞輝以及Stanley邱士縉主演的《野人老師》。

兩台大戰，一觸即發！

綜藝節目又翻抄舊橋

而翡翠台《傳承‧狂歡55》綜藝節目很多，包括林盛斌、馮盈盈主持的《全城一叮》（翻炒《殘酷一叮》？），由多個經典遊戲包括《15/16》、《江山如此多FUN》、《智在必得》、《全港至叻星》等合製而成的節目《答得快 好世界》。還有馬浚偉主持的飲食節目《黃金盛宴》、鄭裕玲、林盛斌、陸浩明主持的《全能司儀選拔大賽2022》及黃翠如主持的《遊走世界天與地》等。

陳山聰唐詩詠黃翠如大合照企中間

而節目《我們的主題曲》簡直是《流行經典50年》2.0，請來譚詠麟、張智霖、呂方、炎明熹等，重新演繹經典劇集主題曲，相當有睇頭！另外，無綫主席許濤亦有即場頒獎給應屆港姐得獎佳麗。全台藝人齊集台上大合照。第一排是主席許濤、總經理曾志偉、汪明荃及各監製等，至於藝人則由第二排開始，站在中間位的是陳山聰、左右則是唐詩詠及黃翠如，而袁偉豪、方力申、陳瀅、丁子朗、龔嘉欣、陳曉華、馮盈盈。

大把好嘢睇！