東張何伯｜梁敏巧玩Q&A滿足觀眾好奇心 大呻「想有個男人好似何伯」
東張何伯｜梁敏巧直言「想要個何伯」
梁敏巧日前以「何伯何太你問我答」收集網民的問題，並從中選擇了不少來進行回答。網民除咗問：「何伯有冇不停𥄫你？」「何伯有冇側側膊搵你」「18歲仔係唔係口是心非？」「對何伯何太呢段真愛有咩睇法」更有網民問梁敏巧：「Maggie你羨唔羨慕何太？」
而梁敏巧亦一一回覆，更表示：「佢眼中真係得何太」「只能夠用反對無效嚟總結佢哋嘅愛情」「同仔仔傾偈，覺得佢好純品好真」「愛情是不分年齡，為甚麼是丟人現眼？」梁敏巧仲直言：「何伯的確係義無反顧咁愛佢（何太），我都想有個男人好似何伯咁無條件愛我！」
梁敏巧記者入行變幕前
28歲的梁敏巧在粉嶺長大，於粉嶺公立學校及基督教香港信義會心誠中學畢業的她，在2013年入讀香港樹仁大學新聞與傳播學系，畢業後更於《東方日報》任職港聞版記者。不過梁敏巧就在2019年在社交平台表示：「人生好悶…好想搵啲嘢衝擊下」，並於同年報名參加《香港小姐競選》，直至接獲大會入圍通知後便辭去記者工作。
梁敏巧大方講感情世界
2019年參選香港小姐的梁敏巧（Maggie），加入《東張西望》後被派做外景主持，集集出動貼身衫突顯火辣身材的梁敏巧好快受到網民的關注，26歲，5呎7吋高，32C、23、34的梁敏巧經常在社交網大派福利，被封為新一代「東張女神」。梁敏巧仲喺YouTube開設個人頻道，同粉絲增加互動，大玩你問我答！梁敏巧表示好多都係男粉絲的關係就邀請咗佢男性朋友Jetso嚟代粉絲講出問題，問題大都非常敏感刁鑽，不過絕對難唔到梁敏巧，佢仲非常大方答晒！
梁敏巧大講性事唔迴避
梁敏巧一開始已經被問「會唔會考慮影尺度大啲嘅相」，梁敏巧直言唔單止可以影「尺度大啲」，全裸都無問題！不過佢就認為要睇件事「cheap唔cheap」，只限基於藝術成份的相。後來有粉絲大膽問梁敏巧最喜歡咩體位，佢即埸搵咗隻公仔做示範，雖然因為怕黃標而打咗格，但個答案竟然係「金雞獨立」，都幾特別！
「5億駙馬」黎諾懿係幻想對象
跟住再被追擊問「搞過幾次嘢？」梁敏巧表示點會記得：「你要我數就真係唔知點數，你唔會搵本簿Mark低嘛！」不過男朋友就只有3個。後來被問到最想同邊個男藝人拍床戲，梁敏巧的答案竟然係「胡楓叔叔」，Jetso當堂聽到都呆一呆，問梁敏巧係咪想搵啲比較有經驗的男藝人？梁敏巧就補充床上面可以捉吓棋、傾吓計，好多嘢可以做，被Jetso即讚轉數快！後來Jetso繼續追問落去，答案竟然係「5億駙馬」黎諾懿，梁敏巧仲表示係佢嘅幻想對象，因為黎諾懿感覺好溫柔，估唔到梁敏巧咁大方答晒粉絲啲難題！
東張西望｜女主持連環辛辣追問 何太不慎「露底」街坊仲爆驚人情報
TVB《東張西望》連日來報導76歲何伯與新何太閃婚一事，今晚《東張西望》一集，何伯何太一案又有新進展，有街坊大爆何太「四處釣魚」，女主持梁敏巧更就所有指控向兩位連環辛辣追問，睇到網民大讚訪問技巧有料到！
女主持連環辛辣追問 何伯街坊大爆何太「四處釣魚」
今晚《東張西望》一播出，兩位何伯街坊就大爆何伯和新何太的相識經過。兩位街坊都指一開始就已經覺得新何太有問題，事關新何太剛在街市擺攤就周圍同人講自己離婚五年，想搵單身男人。兩位街坊更大爆何太經常四處「釣魚」，更曾經同街市已婚剪髮師傅有交換微信。
兩位街坊都指差不多半個街市都有勸過何伯，叫何伯遠離新何太，唔好飲對方的湯水：「我同佢（何伯）講，叫佢（何伯）唔好再跟住佢（何太），點會嚟咗幾日就話做你老婆啊。你幾個仔女又唔係對你唔好，何必要搞到咁，醒吓啦！」
女主持連環辛辣追問 何伯激動搶答
女主持梁敏巧就網民的批評和街坊的爆料，連環辛辣追問何伯和新何太。一開始就問到何太到處叫街坊介紹男人自己認識一事，何伯就激動搶答：「佢第一句同我講，佢問我有冇一個好男人介紹畀自己，佢叫我同佢搵啊嘛，我第一句就同佢講你做我老婆啦，我留返自己嚟用。」
當被問到新何太同其他男人交換微信一事，何太就指知道對方有老婆，交換微信亦只是想問對方開髮廊一事，何伯都有出聲維護太太。
何伯嬲爆否認自己「戀愛腦」
當女主持提到有網民指何伯「戀愛腦」一事，何伯一開始聽唔明「戀愛腦」，以為網民笑自己年紀大，到女主持和新何太解釋清楚後，何伯即刻嬲爆否認：「我前妻走咗9年喇，我9年冇識過任何女人，9年後感情到喇，緣分到喇，我先鐘意咗佢（新何太）。我唔係戀愛腦，我愛佢愛得正確，有佢照顧埋我下半生，我就好開心。」
何伯否認食壯陽藥：後生仔都唔夠我嚟
何伯跟新何太的個案播出後，更引發網民「洗板式」討論。對於網友評論何太貪財、何伯被迷魂湯毒害」、「灌迷魂湯」、「飲死你呀！有毒呀！」，何伯即反對，還認為新何太煲的湯反而令他很精神：「我冇飲壯陽藥，唔洗啊，啲後生仔都唔夠我嚟」。
網民大讚女主持訪問有料到：何伯果然招架唔住
最新一集播出後，網民繼續洗版式留言，不少網民大讚女主持訪問技巧有料到：「做足功課！」、「又靚又醒目」、「何伯果然招架唔住」。
亦有網民都替何伯執迷不悟感到好心累：「何伯真係幾時先醒」、「越飲越精神咪能量飲品囉，過一排咪XX」；又有網民認為何伯態度都麻麻：「何伯平時係街市做咩？遊蕩？」、「朝早買報紙已經飲緊啤酒」、「由得條廢老比人呃哂d錢算啦，咪哂時間」、「佢地根本一合即合 有咩好講」等。
