日本渣男東出昌大隱居深山 竟與3年輕女星同居享齊人之福！網民：靚仔係屈機
廣告
35歲日本男星東出昌大，以電影《聽說桐島退社了》作為演員出道，《信用詐欺師JP》男主角，曾獲第36屆日本電影金像獎最佳新人獎。後來佢爆出偷食醜聞，背住妻子出軌比自己小9歲的女星唐田英里佳，令好男人形象盡毀，後來與妻子婚姻破裂，結束了長達5年的婚姻，被日本公認為演藝圈渣男，仲一度失業。2022年時，東出昌大隱居於山林之中，開始了一種「新的生活方式」，享盡齊人之福！
東出昌大同三名年輕女星同居山林小屋
日本男星東出昌大與渡邊杏離婚後，獲得了打獵執照，決定遠離演藝圈，隱居於山林之中。最近節目《めざまし8》（ Mezamashi 8）就去到山區採訪東出昌大，估唔到東出昌大現時竟然同三名年輕女星同居在山間的小屋中！東出昌大介紹3位女星，同時係演員出道，因為合作拍戲而認識的後輩，一齊去山頭搵佢玩後尾覺得好有趣，去年6月的時候仲搬埋嚟一齊住。
一齊打獵享盡齊人之福
3位女星分別為27歲的烏森麻藤、29歲的齊藤遊成、24歲的松本花林，與東出昌大一齊生活，一齊去打獵，樂也融融咁食飯，享盡齊人之福。東出昌大被問到擔唔擔心播出節目後，會再次惹來醜聞，東出昌大就表示佢已經唔介意旁人講咩，而且之前爆出醜聞後已經令佢失去晒所有演藝工作，當時的佢係有迷茫過，但如今佢已經想通透了，仲話唔會再受到外界輿論影響情緒！
網民：勁！冇嘢撈都有三條女跟佢日本鄧兆尊
唔少網民都被東出昌大的消息震撼，指估唔到東出昌大無嘢撈到去埋深山仲有3位年輕女星肯跟佢過生活！「勁 冇嘢撈都有三條女跟佢」「住有三件女陪佢一齊做野人佩服」「日本鄧兆尊」「男人夢想就係做賤男」「好屈機」「真心有啲羨慕，冇曬事業都有三條女跟住佢」
圖片來源：《信用詐欺師JP》、x@cx_meza8、《めざまし8》節目截圖