東京奧運｜吳業坤酒店撞鬼嚇到唔敢瞓 有位大隻仔藝人叫坤哥唔好再講！
廣告
「坤哥」吳業坤今年有幸隨無綫大隊飛去東京奧運，以記者身份採訪各項賽事。不過估唔到佢日前就係IG表示，半夜喺酒店房遇上靈異事件，更令佢嚇到「有得震冇得瞓」！
撰文：東方新地 圖片：坤哥FB及IG 編輯：20 原文刊於：東方新地
採訪東京奧運冇得周圍去
受到疫情影響，吳業坤就算到埗東京後都不能四圍去，除工作及購買物資外，坤哥其餘時間都是要留在酒店房入面，所以持續在社交網更新自己的最新動向。
坤哥自爆酒店有怪聲
日前坤哥在社交網限時動態出po，表示凌晨在酒店房入面聽到有怪聲，嚇到唔敢瞓覺，最恐怖就是第日朝仲要早起身，佢留言話：「札醒去完廁所連續有啲奇怪嘅聲音，聽朝仲要早起，依家唔敢瞓。」搞到坤哥唔敢瞓，仲唔係遇上靈異事件？
被指生人唔生膽
不少網民知道坤哥受驚後，紛紛留言安慰佢，話好大機會是他自己夜深人靜，疑心生暗鬼，提議他以後開住燈瞓，仲有人叫他走去周奕瑋間房，兩個人孖住壯膽實瞓到。最搞笑都係出名大隻的藝人何浩文，竟然留言叫坤哥唔好講出詳細版本，原來一身肌肉Man到爆的何浩文最怕聽鬼故。
