70歲李國麟冧爆晒愛女 李沅薐顏值爆燈似足「雙菲」劉亦菲＋姚焯菲
廣告
70歲的資深TVB演員李國麟近年主要在內地發展，並積極經營內地社交平台，分享日常生活。李國麟自2002年成為爸爸以來，一直與愛女李沅薐（Cherie）保持著非常親密的關係。目前，正在英國學習戲劇的李沅薐趁假期回到家中，與家人一同前往威尼斯度假。她在度假期間驚喜現身爸爸的社交平台，顯示出顯著的顏值提升，獲得了大量網民的讚美和好評。
李國麟冧爆晒愛女靚樣
李國麟早前在內地社交平台晒出1段新片，片中佢表示「給你們介紹1個新朋友」，隨後22歲的李沅薐就sweet到漏攬住爸爸出鏡。李國麟仲問各位網民李沅薐似唔似自己，兼且冧爆稱「她是我的寶貝，我的女兒」興奮晒愛女的靚樣！
網民爭住做李國麟女婿 撞樣劉亦菲＋姚焯菲
李沅薐的美貌引起網民的注意，大讚李沅薐撞樣劉亦菲，更有唔少人搞笑留言表示想做李國麟的女婿：「岳父大人，請受我一拜」「就因為你女兒，你這個岳父我認定了」「有點像劉亦菲」「有啲似姚焯菲」「介紹太倉猝了。沒介紹到位啊！身高，體重，三圍，婚否」「能做你女婿嗎？」更有網民大讚李沅薐超有明星相：「國麟叔女女有沒有打算進軍演藝界啊」「選港姐都可以了！」
即睇更多李沅薐靚相！
李國麟孖囡囡咀嘴合照 網民留言狠批唔應該！
大家都話爸爸係女兒上世嘅情人，但係唔係人人都接受到父女間親密嘅身體接觸呢？大台「御用奸角」 李國麟就曾在微博上傳咗幾張同囡囡慶祝生日嘅相，當中兩張攬到實一實又嘴對嘴錫錫嘅相就引起內地網民熱烈討論。有人覺得有違道德標準，亦有人表示羨慕佢哋嘅父女情，你又點睇呢？
李國麟同囡囡咀嘴
李國麟曾在微博上傳同女女李沅薐Cherrie慶祝15歲生日嘅相，當中2張二人表現得相當親密，又攬到心口貼心口，兼嘴對嘴錫錫。呢2張相一上傳就引起內地網民熱烈討論，當中有人話嘴對嘴錫錫會令女女性早熟，亦有人話應該遵從「子大避母，女大避父」嘅傳統觀念。當然，亦有網民力撐兩父女，認為只係其他網民「諗多咗」，「心裏骯髒的人，看什麽都髒」。
李沅薐發文反擊網民思想
Cherie亦在個人微博發文，話其實純粹想同大家分享開心時刻，但竟然惹來咁多負面留言。佢認為女兒錫爸爸係愛的表現，卻被人講到如此低俗，實在可笑！
其實，李國麟同囡囡關係好已經唔係最近嘅事，囡囡嘅個人微博經常上傳同爸爸嘅合照，一齊去迪士尼，又一齊去珠海玩，好似朋友一樣！
