上位在望李佳芯「被」分手：「我冇男朋友！」

無綫花旦小生青黃不接，新紮姐仔為爭一姐之位各出奇謀，近期彈起的李佳芯 (Ali)，在劇集《律政強人》及《巨輪II》都有唔少發揮，有望再下一城。可惜早前斷正與Viu TV主持男友陳炳銓在西貢村屋同居，即被經理人力勸要低調！Ali即時搬返娘家與父母同住，表面上一切服從，但暗地裏對公司大細超非常不滿，矛頭直指同期的黃翠如！但有位唔通唔上，今日Ali出席活動時，被問到男朋友時，竟然話：「我冇男朋友！」疑似被分手喎！

來源：東方新地

Ali早年憑《學是學非》成功入屋，形象健康鮮緋聞，其後參演多套劇集均有不俗表現，所以一步步登上女一之位！雖然和Viu TV主持陳炳銓熱戀中，不過Ali對戀情一向極低調，直至早前被踢爆與男友在西貢村屋築愛巢同居，即被經理人力勸要低調！

雖然Ali表面上一切服從，但其實暗地裏對公司大細超非常不滿，矛頭直指同期的黃翠如！正所謂同人唔同命，翠如BB雖同是無綫上位花旦，不過與蕭正楠公開戀情後公司開晒綠燈，事業暢通無阻，甚至安排二人情侶檔出外搵真銀！早前新劇《幕後玩家》的宣傳活動上，蕭正楠更當眾啜爆翠如，送上鮮花與蛋糕女友慶生，做騷咁做，Ali見到點止眼紅，直頭眼火爆！