以神之名︳朴軫永JYP曾被指係異端組織嘅成員！太太仲係教主姪女！

JYP化身為「講師」拍片講聖經

人稱JYP嘅朴軫永係youtube開設咗個人宗教頻道名為「初熟的果子」，佢仲直接化身為「講師」拍片傳教，向觀眾解釋聖經內容。在影片開初，JYP勁怕醜表示好緊張，又指自己唔係牧師，質疑未夠資格講，但在鏡頭旁邊有另一位牧師不斷鼓勵佢，JYP先鼓起勇氣上台。

影片有齊攝理教4大特點！

睇過影片嘅網民就指出JYP嘅傳教影片有齊異端組織4大特點，分別係「以個人名義推廣宗教信仰」、「憑自己解釋聖經內教義」、「所屬團體不明確」，以及「唔可以讓身邊嘅人知道正在信教」，而網民最擔心就係JYP會唔會強逼旗下藝人一齊信教。

被踢爆與「救援派」過從甚密 太太更係教主姪女！

其實呢次並非JYP同異端組織扯上關係，早係5年前JYP被指參與韓國知名異端組織「救援派」嘅活動，加上JYP嘅太太亦係該組織嘅教主俞炳彥姪女！當時新聞傳出後引起韓國社會譁然，仲導致JYP娛樂股價大跌。