魷魚遊戲2｜「變性人」朴成焄獲封全劇MVP 網民列3大關鍵激讚

朴成焄演變性人角色超突出 網民列三大點激讚

1. 角色人設討好有義氣

朴成焄在《魷魚遊戲2》中飾演變性人軍人「賢珠」，為了湊錢變性而參加遊戲。「賢珠」在劇中有情有義，不但在首個遊戲中與456號李政宰出手救中槍受傷的參賽者，後期當同隊的姐妹過世，又表現得非常傷心，是劇中少見的有情有義的角色。

2. 扮女人都夠靚

朴成焄在劇中男扮女裝，不少網民都認為朴成焄扮女人都扮得好靚，夠曬賞心悅眼；亦有網民大讚朴成焄在劇中演技細膩，同成名作《黑色榮耀》很大對比：「我唔係好識韓星，但係佢一出現我都覺得佢扮女人好靚」、「 我都覺呀，而且佢做到一啲好女性化嘅舉動，好細緻」、「 我一開始認唔到佢，係啲人話佢原來有份做黑暗榮耀嗰個衰人我先認到😄。佢演技好好啊，呢個角色性格同黑暗榮耀角色好唔同」等。

3. 有領導能力情緒穩定

朴成焄在劇中飾演的「賢珠」為軍人「中士」出身，在「雜牌軍」組成後，即刻教大家如何使用氣槍，在重要時刻又淡定果斷，獲網民大讚「情緒穩定領導能力強」。

朴成焄憑《黑暗榮耀》上位

現年39歲的朴成焄在2008年入行，默默耕耘14年，終於憑《黑暗榮耀》惡角「全宰寯」上位，隨即廣告、代言一浪接一浪，亦在《淚之女皇》中憑奸角成功突圍。