朱茵現身廣州為新戲《雨打芭蕉》到校園拍攝 49歲凍齡仙氣不減引起學生騷動｜頭號粉絲

撰文:東方新地｜編輯：八卦妹（原文刊於：東方新地）

朱茵新戲《雨打芭蕉》開機

日前，朱茵在微博晒出新戲《雨打芭蕉》的開機相，相中的她身穿劇組的黑色短袖Tee與牛仔褲，戴著太陽帽與墨鏡，打扮casual，只係淡妝現身，已經好省鏡，與同樣戴住漁夫帽的男主角謝君豪十分合襯，其實兩人曾在2010年的電影《越光寶盒》中合作過，不過當時只是特別演出，今次相隔十年再合作，兩人就成為男女主角。

下年就登五的朱茵，好似食咗防腐劑咁，顏值超標，難怪在內地人氣一直高企，經常參與內地真人騷及電影演出，近期內地新冠肺炎疫情回落，原來朱茵已經回國內工作，搞到連中秋人月兩團圓日子，要同老公黃貫中及七歲女兒黃鶯分隔兩地，要靠留港老公勁氹女兒。

朱茵在番禺職業技術學院拍攝外景

而日前朱茵在番禺職業技術學院拍攝外景，女神只以一身貼地T恤運動裝出現，已經引起學生騷動，之後她換上黑色裙拍攝，沿途還不停與學生打招呼，相當親民，加上「紫霞仙子」多年餘威，令「朱茵「番禺職業技術學院」即時升為微博熱搜，連學生都讚不絕口，稱她「仙女姐姐」！

朱茵18年拍攝的內地真人騷《想想辦法吧爸爸》出土

除咗拍電影，朱茵18年拍攝的內地真人騷《想想辦法吧爸爸》近日終在內地播出，等咗兩年先「出土」，朱茵亦在社交網勁Sell，話一家人可以隔住電視屏幕見面。