曾志偉透露重現經典《獎門人》:獎品獎金大升級!
大搞經典《超級無敵獎門人》
曾志偉榮升TVB總經理後經常諗唔同的綜藝節目救收視,最近佢出席活動時就透露嚟緊為配合香港回歸25周年、台慶55周年、香港小姐競選50周年同埋《超級無敵獎門人》25周年搞返個獎老回歸重現經典《獎門人》,打算由7月做到11月台慶,仲話會搵埋獎老錢嘉樂、林曉峰、阮兆祥、陳小春、金剛等人,獎品獎金亦都會大升級,內地人氣旺盛的「大灣區哥哥」一定好吸收視,詳情會於5月26的節目巡禮公布。
![蘭茜後排左二)是《獎門人》要員。](https://imgs.orientalsunday.hk/wp-content/uploads/2021/11/05_806a_funn_p128_107219419661962b73d0f5d-1024x683.jpg)
網民:當香港人智商停留喺20年前?
係咪真係「橋唔怕舊,最緊要受?」普遍網民似乎就唔受落,更狠批「當香港人智商停留喺20年前?」「老土當時興」「咩年代呀,仲獎門人」「亞視化」「快樂長門人」「似足亞視個陣霉到要炒冷飯翻拍百萬富翁,食老本搵啲過氣明星出黎獻世」「重播咪算囉」「應改名做超級無敵老人家」。youtube頻道Smart Travel,youtuber Tsar 就分析曾志偉係有盤算之下有此舉動,指個節目本來就玩低俗起家,到時大玩「睇波波」,剛剛好選完港姐搵新人出嚟玩,可能夏天仲可以玩水著,變得有睇頭、有新鮮感。
![獎門人](https://imgs.nmplus.hk/wp-content/uploads/2022/05/-2022-05-16-5.25.35_148630530462821896f41df.png)
曾志偉啜爆性感女模影片詳情是?
近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更上前啜爆該名女模,女模的身份背景亦立即被網民起底⋯⋯詳情請看
《獎門人》 停播了何時才會復播?
《開心無敵獎門人》早前播出最後一集就宣布暫別幕前,令不少觀眾都大為不捨,身兼總經理要職的曾志偉透露只要「將下半年節目安排好」或者睇下有機會下半年復播⋯⋯詳情請看