曾志偉新春現身無綫賀年騷：返內地太耐唔知香港冇晚飯堂食 網友唔睇好：誰也救不了三色台

撰文：Lmc ｜圖片來源：曾志偉＠微博｜編輯：海月

曾志偉新春現身無綫賀年騷：返內地太耐唔知香港冇晚飯堂食 網友唔睇好：誰也救不了三色台

曾志偉重返無綫，擔任TVB副總經理兼行政委員會特別顧問，專門負責綜藝及資訊娛樂節目，而王祖藍獲委任為首席創意官。大年初一，曾志偉首次以高層身分亮相無綫新春團拜。曾志偉當日心情勁好，他提到：「今次回娘家感覺似新人一樣，之前年年出去賺錢，今年出嚟派錢，我好耐冇返香港，連香港冇晚飯食我都唔知。」

曾志偉又講到著西裝對他來說十分不習慣，又不是與汪明荃、胡楓一齊主持，感覺非常陌生。坐在高層席睇表演的他，表示很想跳埋去一齊做主持。似乎當了高層的他，仍然有鋪主人癮。

很久沒有回公司，曾志偉也有發生大頭蝦的事，他表示忘記帶辦公室鎖匙，結果摸門釘，最後去了茶水部。曾志偉笑言：「我而家對同事飲茶的口味好清楚，仲應承以後會包起茶水部。」

另外，曾志偉用了6個字形容心情，他說：「進步、團結、開心」，又提到因為電視行業同觀眾關係密切，應該同一呼吸、步伐，會製作更多好節目畀市民。最希望係人人有工開，所有行業重都可以回正軌。

雖然曾志偉信心爆滿，但網友似乎不睇好，留言狼批表示：「誰也救不了三色。」、「呢個台係咁上下啦，全部垃圾」以及「請個龍虎武師（獅）返來做無綫高層，神經有問題。」