日本女優浜崎真緒當街被抽水千字文：不要沉默！爆seed廣東話回應hater

29歲日本知名女優浜崎真緒，18歲已經加入行業開始拍攝相關愛情動作影片。近日浜崎真緒突然喺IG發表千字文，仲翻譯埋英文同中文，表示原來佢上星期喺街被人抽水，想以此事警惕大家。雖然如此，但都引嚟唔少人惡意留言，但最搞笑係優浜崎真緒竟以廣東話回應！？

浜崎真緒當街被抽水：做女優唔代表可以無法無天

浜崎真緒IG突發千字文出post，仲有3種語言提供！事源浜崎真緒上星期演出結束返酒店時，喺街竟然被一位陌生人從後觸摸佢的身體，好彩同行的經理人同埋助手及時將嗰個人捉住。浜崎真緒想以此事表示認為每個女性都應該獲得尊重，可能大眾對佢的職業有咩誤解，做女優俾人摸一下點解要大做文章，但佢想解釋，女優只係一個職業，唔係可以俾你無法無天對待的藉口，而且佢都只係一名女性，唔會因為工作身份就會沉默。最後希望所有女性遇到呢種事情都唔好沉默，咁樣係助長歪風，唔可以姑息。

網民：拍a片就已經係助長歪風浜崎真緒以博大精深廣東話回應

唔少人都留言支持浜崎真緒「今天不抓住他，還會有另一個人受害」「尊重每一位女性，不論職業」「這想法真的很偏激，這是職業演員，內容演出特殊的演員而已，並不代表就可以亂碰觸人家身體」「這種事情真的不能姑息」「一直以來都喜歡mao醬的活潑開朗，希望不要被這件事影響太多」浜崎真緒留言再有補充該名「痴漢」已經被佢經理人打到頭破血流，希望佢給取到教訓。除此之外都有人惡意留言，認為浜崎真緒拍a片都就已經係助長歪風，浜崎真緒再以中文回應「我的工作有影響到你的人生嗎？令到你困擾？你也是看免費的。沒貢獻就收口。明白嗎。經紀人教我跟你說一句。你返屋企打x機啦傻x」唔少人都驚訝點解浜崎真緒會識中文。