方力申做過蘇永康替身踢爆粗口之王真身

無綫J2由C君加盟管理層後，一直有意將台目年輕化，而逢周六晚播出的《鋪鋪Poker》，則找來圈中人緣極好的郭偉亮(Eric Kwok)、方力申和妹子陳欣茵及胡美貽主持，今晚最新一集，Eric打友情牌請了Poker之友蘇永康(蘇康)做嘉賓。

方力申蘇康甚有淵源？

眾所周知，蘇永康同方力申曾同屬金牌娛樂旗下藝人，做過師兄弟，原來蘇康仲跟過小方契媽Christine Samson學唱歌，現在亦繼續跟Christine學做老師教唱歌；蘇康續指當年在好兄弟張衛健的「指示」下，曾經邀請方力申做他的游水「替身」，小方負責「晒泳術」，蘇康則負責「出樣」。

方力申蘇永康蘇永康上Eric Kwok和方力申主持節目《鋪鋪poker》做嘉賓。 — 蘇永康上Eric Kwok和方力申主持節目《鋪鋪poker》做嘉賓。（圖片來源：鋪鋪poker圖片）

方力申蘇永康方力申和Eric近年分別為無綫主持唔少節目，除了《鋪鋪poker》，還有《鬼上你架車》、《聲夢傳奇》等。 — 方力申和Eric近年分別為無綫主持唔少節目，除了《鋪鋪poker》，還有《鬼上你架車》、《聲夢傳奇》等。（圖片來源：無綫截圖）

自爆零耐性邊爐料唔熟照食

蘇永康與Eric兩位Poker之友一碰面少不免大講Poker奇聞，稱曾親眼目睹「四條輸同花順」，蘇康又大爆Eric是馳名「Poker翻身王」，指他不時輸剩兩舊都仲可以翻身，然後自爆好冇耐性，唔適合玩Poker，他笑謂：「我連打邊爐都冇心機，啲雲吞成日生嘅就食落口。」除了冇耐性，蘇康又自言輸唔起：「輸幾百蚊都冇乜事幹嘅，但輸幾千蚊我會好嬲，但我買件一千蚊嘅衫係完全冇問題喎。」方力申隨即加把嘴：「嗰件仲要係著喺底，露得個領邊。」

方力申蘇永康今集Eric Kwok打友情牌請蘇康做嘉賓，估唔到被大爆料。 — 今集Eric Kwok打友情牌請蘇康做嘉賓，估唔到被大爆料。（圖片來源：鋪鋪poker）

講教仔方力申唔小心玩踢爆

蘇永康和老婆Anita育有一5歲子蘇展弘(Jazz)，蘇康笑言湊仔就唔可以冇耐性喇，如果唔係「盞自己冇命」，又自言是嚴父與太太約法三章，就是大家教仔時，絕對唔會插手，當蘇康提到囝囝好鍾意模仿他說話，方力申隨即一愕瞪大眼謂：「你句句都有粗口架喎?!」蘇康頓事面一黑頭擰擰，自知失言的方力申秒速補鑊：「我入咗行之後，圈入面講粗口最好聽嘅就係阿公(蘇康暱稱)。」現場隨即起哄更要求蘇康即場示範顯，但他當然尷尬到耍手擰頭啦！