新晉男團JFFT良心價賣賀歲糕算公道成軍10年回饋手足非常善良！

成軍10年的Youtube 頻道JFFT去年因為廣告密密接加上逢Show必爆被封為「新晉男團」，四子去年年尾搬入新Studio後節目水準無跌Watt，之餘仲新唔少新搞作。嚟緊新年，除咗一如以往搞年宵市集之外，仲推出JFFGoal賀歲糕！

新晉男團 JFFT YouTube 頻道JFFT今年仲搞搞新意思，首次推出JFFGoal賀歲糕！不過此Goal一出，當然有讚有彈，有人批評定價太離地，亦有人認為「$420 三底糕並唔算貴」，算係公道！ — YouTube 頻道JFFT今年仲搞搞新意思，首次推出JFFGoal賀歲糕！不過此Goal一出，當然有讚有彈，有人批評定價太離地，亦有人認為「$420 三底糕並唔算貴」，算係公道！（圖片來源：IG@jfft_justforfun）

新晉男團JFFT首推賀歲糕雞翼做生招牌

JFFT發文指：「擺咗幾年年宵，最大得著就係知道JFFT嘅觀眾全部都好die hard，不論係排九個鐘隊好，打風落雨照排又好，排完買完第二日又再排過都好，呢啲我哋全都收到晒，到呢一刻我哋JFFT全體都非常感激過往岀席過嘅每一位你哋。所以今年JFFT想岀一款特別少少嘅產品，可以同大家融為一體。」相中可見，JFFGoal有齊蘿蔔糕、芋頭糕、年糕，三款賀歲糕，價錢為HKD420/1套。宣傳照仲有「JFFT上弦雞翼」做生招牌，更有網民笑指撞樣姜濤！

新晉男團 JFFT 相中可見，JFFGoal有齊蘿蔔糕、芋頭糕、年糕，三款賀歲糕，價錢為HKD420/1套。宣傳照仲有「JFFT上弦雞翼」做生招牌，更有網民笑指撞樣姜濤！ — 相中可見，JFFGoal有齊蘿蔔糕、芋頭糕、年糕，三款賀歲糕，價錢為HKD420/1套。宣傳照仲有「JFFT上弦雞翼」做生招牌，更有網民笑指撞樣姜濤！（圖片來源：IG@jfft_justforfun）

新晉男團 JFFT 咁啱姜濤都出過食物！ — 姜濤的個人品牌，都出過唔少賀年應節禮品！（圖片來源：IG@to_mydear_official）

連登仔批粉絲錢真好賺網民反擊：420三盒好貴咩

此「Goal」一出，定價惹來熱議，標價「$420」真相原來好公道，作為公關操作成熟的頻道，唔使自己出聲已經有不少手足Fans代為澄清，未有因為去年的成功而招來Hater攻擊！

對於JFFT呢個「三Goal」操作，有網民在連登討論區開post指「點睇jfft幾盒XX年糕賣420？」直言定價過高、粉絲錢真好賺！即惹來網民紛紛維護並反擊：「420三盒好貴咩」、「live講到明cap水啦嫌貴咪唔好買」、「明買明賣420一套三盒最多咪叫小貴」、「對比返某些直播主賣$520一個月餅/相比下jfft$420 三底糕並唔算貴」、「年糕大家樂都賣緊108 你話啲糕本身暴利就冇計，但市場係賣緊呢啲價錢而JFFT 話啲糕會係喺拎之前一日先整新鮮過啲大量做嘅好多其實單係呢個point已經覺得佢哋可以賣貴啲仲要係fans product 我就覺得係好抵買嘅」

新晉男團 JFFT 即惹來網民紛紛留言：「420三盒好貴咩」、「live講到明cap水啦嫌貴咪唔好買」、「明買明賣420一套三盒最多咪叫小貴」 — 即惹來網民紛紛留言：「420三盒好貴咩」、「live講到明cap水啦嫌貴咪唔好買」、「明買明賣420一套三盒最多咪叫小貴」（圖片來源：網上圖片）

JFFT成員落足力宣傳邀觀眾上門試食

連日來，JFFT成員們落足力為JFFGoal賀歲糕，防止畀大家睇死變蟹價，上星期節目「米講風良話」米爺同良少更即場煎糕，仲請咗6位觀眾上門試食，嚟一波直播帶貨，認真有搞頭！觀眾們回應真實食評「芋頭糕好粉糯」、「真係幾好食、唔係講笑！」此外，早前有 YouTuber 開 Live 點名評論JFFT，四子亦禮尚往來送上 JFFT Goal，非常善良。