新城勁爆頒獎禮2022｜COLLAR VS AfterClass 造型再次鬥
廣告
《新城勁爆頒獎禮2022》12月29日於灣仔會展舉行，頒發本年度樂壇第一張成績表。女團方面代表TVB的After Class以及ViuTV代表的COLLAR繼續成為焦點，2隊並排，唔少人又會將其造型比較。collar今次就以全黑小蠻腰造型出場，而after class都係以青春活力騷美腿上場，今次又會揀邊隊？
COLLAR打頭陣
《新城勁爆頒獎禮2022》於晚上八點前開騷，大會逐一點名歌手上台亮相，打頭陣上台的是COLLAR，接連是與COLLAR同樣出身《全民造星IV》的女團Strayz以及LottyTalk。而對陣TVB出品的After Class，明明以新人團隊身份現身，但大會卻逐一成員點名登台。
After Class齊曬美腿
After Class以一身粉色裝束登場齊齊短裙上陣曬美腿，是晚四缺一只得姚焯菲（Chantel）、鍾柔美（Yumi）及詹天文（Windy），未見炎明熹現身。鍾柔美於新人表演環節，先以AfterClass身份獻唱，再以個人身份獨唱隊友姚焯菲的《原來談戀愛是這麼一回事》。
鍾柔美打頭陣獨唱
「勁爆新人獎」連頒12個獎項，鍾柔美打頭陣以個人身份奪獎，她逐一感謝幕後團隊，其中點名感謝造型團隊幫她打扮靚靚：「雖然係大家眼中我係個16歲妹妹，但我好鍾意唱歌、好鍾意舞台、好鍾意跳舞，我會繼續努力。」再加上團隊同樣佔「勁爆新人獎」一席位，After Class在獎項上略勝COLLAR一籌。
COLLAR八缺三送熱舞帶動氣氛
女團COLLAR今日只得五女現身，包括陳泳伽（Winka）、許軼（Day）、邱彥筒（Marf）、李芯駖（Sumling）及隊長沈貞巧（Gao），除了仍在暫休的蘇芷晴（So Ching），兩位人氣王蘇雅琳（Ivy）與王家晴（Candy）均缺席。五女一同露出性感小蠻腰，以全黑Look登場走型格路線，夠穩陣免卻再次「炒車」。COLLAR奪「勁爆新人獎」時，獻唱《Gotta Go》配上熱舞，成功帶動全場氣氛。
after class造型好畸呢 但都係揀佢
唔少網民最終都係覺得after class造型較好，認為雖然好畸呢，但至少都有青春活力的感覺，似乎網民都唔太喜歡女團走型格風，collar多次行呢種風格都俾網民大肆討論。
