披荊斬棘2｜溫兆倫為贏任後輩惡搞 吳卓羲、林峯打造「發瘟」變潮人

披荆斬棘2｜溫兆倫傳首輪被foul

《披荆斬棘2》吳卓羲、林峯、溫兆倫及陳小春組成A組，在首次宿舍活動，各組因應不同主題大玩造型參加「時尚王大賽」，林峯隊造型穿搭主題是去見岳父，大家一致推舉前輩溫兆倫做模特兒，大家落足力為溫兆倫打造「行走中的時尚」，其實在惡搞﹗

披荆斬棘2｜吳卓羲、林峯、陳小春夾計惡搞

林峯、吳卓羲和陳小春為溫兆倫揀衫時七嘴八舌，吳卓羲話：「乾濕褸配短褲正呀，要遮住條褲！」，陳小春話要配孖煙囪先係最佳造型，林峯仲話加對襪再踢拖，吳卓羲興奮話：「對襪要穿窿嘅，一長一短！」，你一句我一句笑到失控咁滯！林峯、吳卓羲揀到滿意後，興建奮跑去叫溫兆倫換衫！

林峯游說：怪到極致就係潮

最後為溫兆倫揀咗件粉紅色polo上衣、格仔孖煙囪，外襯一件乾濕褸，並配上一白一藍色的鴛鴦襪，陳小春同吳卓羲仲加入個人設計，將隻襪剪穿窿，溫兆倫眼神一度流露懷疑，仲指似「金魚佬」，陳小春安慰：「你不要向哪方面想便可以了！」林峯忽然一本正經話：「怪到極致就係潮﹗」，吳卓羲和應：「係！好多人都係咁講！」令溫兆倫放心聽從各人的精心打造！

吳卓羲、陳小春神默契剪穿窿襪

陳小春同吳卓羲建議要將其中一隻襪剪窿，溫兆倫都照樣著上，仲凸多啲腳趾出嚟配合大家，林峯就為佢將襪長度調校至一長一短，邊為溫兆倫整理造型，邊瘋狂大笑，吳卓羲更笑到喺地上碌來碌去﹗

吳卓羲跑上台玩溫兆倫

溫兆倫以呢身造型行catwalk，全場拍手大笑，吳卓羲繼續唔放過溫兆倫忽然跑上台話自己扮岳父，溫兆倫叫佢：「叔叔你好﹗」，吳卓羲扮惡問：「你叫甚麼名字呀？」，溫兆倫答：「叫我小溫可以了﹗」，吳卓羲凶神惡煞問：「你幾歲呀？」溫兆倫答：「我28歲！」全場大笑﹗吳卓羲問：「為甚麼我女兒會喜歡你啊？」溫兆倫繼續爆肚：「是她追我的！」然後一臉自信腳印印，吳卓羲都招架不住同大家一起狂笑！

周柏豪被惡搞 全身豹紋加護膝

同場周柏豪組個造型都好出色，同樣被組員惡搞，要他穿上豹紋裇衫及短褲，單車燈當choker，又加上單車護膝，再加個老虎袋，手持水琴出場！為了突顯自己長處，周柏豪刻意把恤衫打開騷肌，然後自我感覺良好咁行catwalk！最後時尚王大獎由杜德偉一組奪得，溫兆倫則成功獲得「大可不必獎」，做唔到「行走中的時尚」但都執到個豬肉獎，總算無白費組員們的心機﹗