戀講嘢｜Katrina甜晒前度巨星奪初吻及情書 郭奕芯驚爆男方同期玩一夜情
戀講嘢｜歌手前度 國際級知名藝人
《戀講嘢》嘉賓Katrina現年五29歲，與男星前度同年，對方是一名歌手，193笑住質問：「有咩明星我未見過？佢IG幾多人？」Katrina指：「多你5倍，唔止，多你超過50倍」，嘉賓拿出合照讓主持們偷偷地看， 大家都好驚訝，193更不停爆料：「佢以前黑頭髮，依家唔係，佢愈紅個樣愈唔同晒。」認證對方是知名及國際級的歌手。
識於微時 中學畢業到韓國當練習生
《戀講嘢》Katrina透露與男星相識經過，二人識於微時，分別就讀不同國際學校，大家在籃球場認識，男星即向女嘉賓「抄牌」，從此以MSN溝通，女嘉賓Katrina指當時對男星未有感覺，「因為當時佢又未係好高，個樣未算太出眾」。在中六時，突然有一日，男星表示即將要去韓國受訓做練習生，Katrina指自己自少想當演員，對男星能被選中過程感好奇，突然覺得佢頭頂有光。」從此交流多了。
靠食香口膠呃濕吻 有意容貌升級問女方意見
男方在韓國受訓期間，與Katrina靠web cam傾偈，「佢公司唔畀拍拖，每日受訓10個鐘，佢臨瞓先可以同我傾電話。」又指男星向她呻受訓好辛苦，好大壓力。「佢同我講好掛住我，好想返嚟見我」受訓九個月後返港3天，即約Katrina見面，大家去食牛腩麵，「我覺得自己好大陣牛肉味，跟住食香口膠，佢就錫咗我」193 好激動：「呢啲咩情節嚟？」郭奕芯：「即係脷同脷交叠咗？」譚凱倫：「即係男嘅話都想食香口膠，但就用口攞咗佢口嗰嚿香口膠，整嚟整去咁囉。」浩南搞笑問：「有無將香口膠拉絲先？」Katrina更爆男星指好多練習生朋友都容貌升級：「我整唔整好？Katrina曾勸對方不要整，因為外表不俗。
保留韓文情信 出道後仍相約見面
一天約會到分開時，二人依依不捨，男方在合照上簽名留念，又寫了封以韓文寫的情信：「對唔住，唔可以成日即刻覆你訊息，但我真會掛住你，我愛你，真㗎！」Katrina一直把情信保存至今，男星出道初曾返香港並相約出來見面，但Katrina沒有應約，認為大家沒有將來，感到高攀不起不敢應約，其後發現男方unfollow了自己，戀情正式劃上句號。郭奕芯即安慰：「其實我個朋友以前都識佢，佢都係突然unfollow咗，可能佢要專心演藝之路。」
郭奕芯驚天大爆料男星曾玩一夜情！？
不同193卻錯重點，十分好奇郭奕芯原來也算認識男星，追問之下，郭奕芯爆料指自己17、18歲唱K聚會上見過該男星，「我同女仔一齊去，當晚出現咗呢位男主角，第二日，個女仔同我講佢哋做咗啲好親密嘅行為，但我無問，因為我成晚無接觸過佢，亦唔知佢係邊個，依家諗番真係蝕咗」譚凱倫即突破盲點：「咦，咁可能同Katrina時間重叠？」引來一陣騷動。
王嘉爾香港首位成功練習生 韓國出道
節目出街後，大家從主持及嘉賓提供的資料，猜測該名巨星是王嘉爾Jackson Wang，王嘉爾自少熱愛表演，但同時熱愛劍擊，被父母反對當練習生。17歲獲得亞洲青少年劍擊錦標賽冠軍後，說服父母，中學畢業後前往韓國當練習生。2014年1月，以韓國男子組合GOT7成員出道。2020年及2021年中國福布斯名人榜排名第41及第十位。華人明星IG粉絲數全球第一逾3,200萬。
