微辣Rosalina戴限量特別版40萬AP名錶、網民熱討身世之謎

流行娛樂
Ken

廣告

澳門網上娛樂平台「微辣」近年發展疲弱，雖然依然重女，但已經「走粉」不斷，不過依然有班忠粉，囡囡永遠冇人睇厭，微辣重女要數當中最多人識的，當然是2016年國際小姐澳門代表的蘇霖Sulin，而Yelo、多多、Rosalina、佩男、Rachel、思男、艾美麗、田娜、蘇菲等亦受網民注視，當中instagram坐擁18.5萬粉絲的Rosalina，已為人妻人母，日前她在ig po了張相即惹起網民熱討，探討其身世之謎！
日本25大賞紅葉勝地推薦

晒錶吸睛？

一向冇乜波唔sell身材賣長腿的Rosalina，年來自認文青狂po睇書、逛書店等相片，日前她po了張穿著棕色one piece上身包到冚的相，配以圖文不符的感言，卻因左手「不自然」地向鏡頭反疑似晒錶引起網民熱討，呢隻錶為AUDEMARS PIGUET愛彼皇家橡樹離岸型計時碼錶ROYAL OAK OFFSHORE 26234SR，產量300隻，限量版炒價逾40萬！

微辣rosalina 疑似晒錶圖配文，Rosalina提醒大家要遠離不舒服的關係，有網民關心她是否同老公鬧交。
疑似晒錶圖配文，Rosalina提醒大家要遠離不舒服的關係，有網民關心她是否同老公鬧交。（圖片來源：rosalina1114@ig）
微辣rosalina 呢張看似平凡的照片，相中Rosalina戴住炒價40萬AP限量版名錶。
呢張看似平凡的照片，相中Rosalina戴住炒價40萬AP限量版名錶。（圖片來源：rosalina1114@ig）

唔止一隻名錶！

有網民在討論區出po，題為「微辣rosalina戴350萬AP手錶 網民：公屋妹變鳳凰！」，350萬買到一個單位喎，原來樓主打漏幾隻字，350萬係講緊台幣，而港幣炒價呢隻AP 26234SR限量版大約40萬，戴住架車喺手當然引人注目，有追開微辣的鐵粉即替Rosalina唔抵，指她一向有米，出力護航，留言撐：「公屋妹? 我記得佢本身有錢女黎」、「佢本身都有錢？」、「本身好有錢㗎，利申澳門人」，不過亦有人自稱居於澳門的知情人，指Rosalina並非有家底，留言道：「澳門公屋妹之後加入微辣(賺)第一桶金，近排好似開奶茶店同嫁有錢老公」呢段有近500人likes，又指她「好多人唔信佢窮X出身，問佢果區既澳門人就知啦，蒲精扮文青，其實睇佢張相要特登擰隻錶出黎show off就知佢要曬」，又的確心水清Rosalina隻右手將錶面向鏡頭，有啲違反自然定律嘅！

微辣rosalina
（圖片來源：討論區截圖）
微辣rosalina 炒價逾40萬的AP ROYAL OAK OFFSHORE 26234SR，全球限量300隻，既高貴又優雅！
炒價逾40萬的AP ROYAL OAK OFFSHORE 26234SR，全球限量300隻，既高貴又優雅！（圖片來源：AP官網）
微辣rosalina 除了呢隻AP限量版，早於年前Rosalina手上已戴住隻疑為勞力士DAYTONA 116505-0008玫瑰金黑迪，炒價亦近40萬！
除了呢隻AP限量版，早於年前Rosalina手上已戴住隻疑為勞力士DAYTONA 116505-0008玫瑰金黑迪，炒價亦近40萬！（圖片來源：rosalina1114@fb）
微辣rosalina 勞力士DAYTONA玫瑰金黑迪型格之選。
勞力士DAYTONA玫瑰金黑迪型格之選。（圖片來源：名人站官網）

Rosalina身世揭秘

網民對Rosalina身世議論紛紛，但觀乎她2020年在澳門出嫁時的片和照，逾千呢家中夠晒照，容納近廿人兄弟姊妹加上男女家親友仲好寬敞，唔使嘥錢出去租酒店！而出嫁中式禮服配戴的金飾超誇張，超過十對份量十足的龍鳳鐲多到要掛上頸，似乎男女家都唔惹少！

微辣rosalina 有指Rosalina老公比她小兩歲，在家中出嫁亦甚為有派頭。
有指Rosalina老公比她小兩歲，在家中出嫁亦甚為有派頭。（圖片來源：rosalina1114@ig）
微辣rosalina 滿滿的金器掛到上頸。
滿滿的金器掛到上頸。（圖片來源：rosalina1114@ig）
微辣rosalina 2020年Rosalina在北海道浪漫雪景下被求婚，當時的男友準備十足，大束玫瑰、氣球、仲有蠟燭砌晒心心，在多名好友見證下求婚成功。
2020年Rosalina在北海道浪漫雪景下被求婚，當時的男友準備十足，大束玫瑰、氣球、仲有蠟燭砌晒心心，在多名好友見證下求婚成功。（圖片來源：rosalina1114@ig）
微辣rosalina 2021年中Rosalina為老公誕下囝囝面面，在醫院獨立大房生產，好揼本！
2021年中Rosalina為老公誕下囝囝面面，在醫院獨立大房生產，好揼本！（圖片來源：rosalina1114@ig）
微辣rosalina 囝囝面面已經一歲幾，肥嘟嘟好可愛。
囝囝面面已經一歲幾，肥嘟嘟好可愛。（圖片來源：rosalina1114@ig）
微辣rosalina 不過Rosalina不時被指扮文青，一直放片放相強調自己愛睇書。
不過Rosalina不時被指扮文青，一直放片放相強調自己愛睇書。（圖片來源：rosalina1114@ig）
微辣rosalina 但她在其中一條youtube片，題為「你能擁有改變自己人生的勇氣嗎？ 阿德勒心理學 | Read with R #2」，自稱愛睇書的她老貓燒鬚，一開波就將「自由撰稿者」讀作自由「選」稿者，唔知係語病定唔識字。
但她在其中一條youtube片，題為「你能擁有改變自己人生的勇氣嗎？ 阿德勒心理學 | Read with R #2」，自稱愛睇書的她老貓燒鬚，一開波就將「自由撰稿者」讀作自由「選」稿者，唔知係語病定唔識字。（圖片來源：thisisr@youtube）

Rosalina身世揭秘?

網民對Rosalina身世議論紛紛，但觀乎她2020年在澳門出嫁時的片和照，逾千呢家中夠晒照，容納…詳情請看

Rosalina帶的名表是？

有網民在討論區出po，指出Rosalina手上的名表就是港幣2手炒價大約40萬的…詳情請看

最高人氣 TOP 5