前微辣員工阿晶離世 思男當晚即開live直播：屈我就唔得！

微辣阿妹思男「衝出嚟」開直播重提「喊相」

微辣社交網跟其眾成員被洗版式鬧爆，思男於大約凌晨12點在IG開直播，直播中她亦有解釋Jane離職時，微辣眾人以「喊相」揶揄並不是欺凌：「其實我份人唔鍾意有誤會，我希望大家會解決到，我唔介意畀大家話，我要澄清冇做過，喊嗰個Filter，可能我個陣都冇Follow導演，見到幾得意就同家姐玩咗，我唔鍾意畀人屈。」她更企硬表示：「我同家姐都唔知佢因為呢個filter唔開心，佢無講過，我哋又唔知。」當時曾有1萬5千多人同時看她的直播。

思男反駁：我都唔知點解你哋話我厚面皮！

不過，唔少網民對於思男「衝出嚟」解釋一律不收貨！湧入她的直播留言喪鬧，思男亦在直播中反駁：「你覺得我消費緊人，咁你哋呢？」、「我都唔知點解你哋話我厚面皮！」思男又稱更不介意被鬧：「我開直播預咗畀你哋話，但我希望你哋了解到事實嘅全部先去鬧，如果你哋覺得我抵鬧都可以鬧，但係我今日一知呢件事（阿晶離世）我係覺得，點解要為咗呢間公司而咁樣呢，呢個係我最直接嘅睇法。」而微辣成員阿泰以及前藝人李宇軒等人亦有留言叫思男先關直播，因微辣已經出了聲明。

思男講講吓情緒激動哭了！

家姐佩男：清者自清

另外於阿晶過身後，家姐佩男都在IG否認欺凌：「清者自清！我從來都不會霸凌任何人，因為我被霸凌過，我知道並不好受，而且我一直把時間專注在自己的事情上，別人的事情與我無關。與其一直被你們網暴，倒不如為自己發聲一次。」 兩姊妹急急澄清冇欺凌，但網民的罵聲有增無減，至於今日周末，佩男、思男會來港出席愉景灣的《恒生銀行90周年呈獻：TheNextwave》音樂節，未知會否有影響。

重溫阿晶：「那天po過哭臉的人我一一跑去道歉」

阿晶離世前提回「哭臉舊事」「那天po過哭臉的人我一一跑去道歉」，相信是指2021年阿晶離職時，曾開live指六毫子喊住留自己，其後微辣卡特即po出六毫子的「喊相」表示：「六毫子真係好鍾意喊」阿丞、佩男、思男、Jacky Lou等亦跟隊貼喊相，被指是集體寸爆阿晶，阿晶說：

然後呀…那天po過哭臉的人我一一跑去道歉，這是人生最委屈的一天了吧。聲明書打來，「我是想和你和好的，我們簽了這份聲明書我請你吃餐飯」我：「你是不是回來了？平時都是你請我食飯今次我請你吧。」喔…石沉大海的信息。簽了聲明便消失了。

加蔥未婚妻儀仔回應：同阿晶只係共事過一陣子的同事

加蔥現任未婚妻儀仔亦被網民指控係撬朋友牆腳。當時曾有一個IG story影住加蔥、阿晶以及儀仔，阿晶以及儀仔著住同款衫，仲俾晒心，疑似情同姊妹，ig Story仲tag晒2人話「兩姊妹等食飯」，網民搵返呢張相大鬧儀仔撬朋友牆腳。儀仔亦於ig澄清與阿晶關係只係「只共事過一陣子的同事，有交談的對話也寥寥無幾，基本上也只是公事，絕非網傳所說的好朋友」而且強調當日係咁啱2人著咗公司t－恤幫忙拍攝，無做過第3者以及搶朋友男友的事。