連登仔翻出微辣江流2年前影片：《十年》獲金像獎是一敗筆
廣告
考古嚟講，連登仔絕對可以稱得上是專家。近日，一條來自微辣少年江流的影片被翻出，其內容是Q&A環節，影片有提及關於「神戲」《十年》的評論。言論被網民翻出後硬是引來一眾熱議及討論。
連登仔翻出微辣江流2年前影片：《十年》獲金像獎是一敗筆
微辣的少年江流為一名編劇以及導演，不時都會在YouTube上分享自己的觀影感受，又會嘗試以不同角度出發去睇每一套電影，唔少觀眾都認為佢講的論點獨到，仲有人叫佢係「微辣清泉」！
《十年》拎最佳影片係敗筆？
不過近日，一段江流2年前的評論影片被翻出，其影片是以Q&A形式出發，回答網民所問及的問題。其中有網民問及：「你點睇《十年》」，江流劈頭第一句就話：「老實講，我唔鍾意《十年》，我甚至覺得嗰一年金像獎將最佳影片頒俾《十年》係一個敗筆」。
江流認為電影缺乏「電影語言」
江流認為《十年》是想以一套政治電影出發，但是電影中卻只有「政治」沒有「電影」，他認為「成套戲係冇乜嘢電影語言」，他認為《十年》是一套政治宣傳的影片罷了。江流認為《樹大招風》中所帶出的電影感及政治感更加強大
網民意見兩極
其言論影片再被網民翻出，有網民就不認同江流的言論，認為「電影都係政治」，不解為何江流指「政治電影不配得到最佳影片」。亦有網民指出：「咁大X把美國片收得皮」，事關唔少荷里活得著影片皆有政治成份。不過都有人認同江流的言論，直言：「其實我唔係想踩十年，都唔鍾意微辣，純粹以戲論戲，十年根本唔係可以拎獎嘅級數。」
