前微辣成員加蔥神隱4個月上水同儀仔結婚！網民：當無事發生過

加蔥神隱4個月同未婚妻儀仔正式拉埋天窗

而加蔥在阿晶離世後，他神隱4個多月，今天（6日）被人拍到與儀仔正式拉埋天窗，網上流傳了一張照片便是今午加蔥與儀仔在民事登記局註冊結婚的照片，背景的屏幕寫住林茂發與張詠儀的名字，相中二人面露微笑，而加蔥穿上西裝，儀仔則穿了婚紗及拿著花球。玩場亦有數名在拍照及觀禮。

加蔥儀仔相戀一年即結婚

加蔥與儀仔自2021年10月開始拍拖，兩人一直都相親相愛，不時都會在鏡頭前大晒恩愛。而兩人就在年頭時宣布求婚成功，加蔥與儀仔雙方都出post，當中加蔥在Caption處寫道：「我們要結婚了，最後一年逗利是，求婚唔駛用劍嘅。」，而儀仔則在Caption處寫下：「以後你就係我嘅金城武啦！以後日子，互相勉勵，互相扶持，互相依賴，一直相愛，一直相伴，一路到老。」

加蔥係「不婚主義」？

不過對於加蔥儀仔結婚，早前網民已表示不滿，認為儀仔係「為咗錢」，所以先嫁給加蔥；不過亦有人指加蔥曾指自己是「不婚主義」，但今次打破自己的說法，決定收山結婚！

網民大鬧：微辣啲人好似當無事發生過

對於微辣前成員陸續上水，網民都大感不滿，覺得佢哋好似當無事發生過咁「微辣啲人厚臉皮到直情當無事發生過」「無人去反對咩?」「阿晶好慘」「唔係不婚, 只係不想同晶婚」

加蔥退出微辣｜1月已與阿晶分手 10月與儀仔一齊

加蔥早前直播解釋指與阿晶是在2019年3月尾的時間左右知道有小朋友，4月份落bb：「咁呢到講返，好多人講話我逼佢，我都講過好多次，我真係無逼到，成件事就係由有小朋友開始，我話可以生出嚟一齊養，無問題，到後面大家開始傾咗好多，慢慢傾下覺得好似真係唔咁適合，咁所以我就唔想要小朋友，咁最後係大家傾完決定唔要嘅，呢個係事實。」他理解很多人想為阿晶討回公道，不過也有很多人都是食花生，及亂帶風向，或是未了解成件事，他覺得有必要為自己澄清一下。

之後加蔥為自己當日無陪阿晶去落bb，而選擇到香港工作，加蔥承認做錯，而當日選擇缺席的理由亦無必要再提。加蔥澄清當時分手的時間線：「咁我同佢係2021年1月份分手，呢啲上網亦可以睇到，就唔存在第三者或者當時已經想追第二個。而我同儀仔係2021年10月份一齊，咁中間嘅長同短交畀你哋去決定啦。」加蔥最後指他所講的全部都有證據，大家上網都會睇到，他都澄清無必要講大話，反正他決定退出微辣。加蔥續說阿晶才剛剛離去，表示：「好多嘢要拎出嚟講都唔係依個時候，我同大家講對唔住、同阿晶講對唔住、同同事講對唔住，因為呢件事影響好多無辜嘅人，就係咁，再見大家！」