微辣加蔥變身粉紅教主與Anson Lo睇齊 生日有應援巴士自嘲似車頭相

文：東方新地｜圖：IG@manner__official、IG@dorisleetw、IG@on99magic｜編輯：HM（原文刊於：東方新地）

微辣加蔥獲粉紅應援巴士賀壽

微辣加蔥今日（15日）生日，有應援在巴士賣廣告賀他生日，全架粉紅色的巴士在港九行駛相當亮眼，巴士車頭有一張美圖特效的加蔥大頭相，以及印上其真名「林茂發」並有「發仔世一 生日快樂」，加蔥的粉紅教主號112號巴士會行駛九龍香港區，一班微辣好友都提大家記得打卡﹗

微辣加蔥自嘲似車頭相

微辣加蔥在生日當日貼出粉紅教主號留言，並hashtag「車頭相」：

司機哥哥，辛苦你啦，雖然你應該睇唔到，但都想同你講聲，呢單嘢唔係我跟開﹗

網民留言指加蔥終於如願變身粉紅教主「不過係Anson No」、 「粉紅教主，生日快樂」、 「呀姐望住張車頭相仲以為係咩新議員參選咁」。

微辣加蔥應援巴士幕後金主原來係多姐

壽星加蔥早一晚已得知呢份大禮，在IG即時動態轉貼並tag微辣多姐「你條八婆」，原來呢份大禮係多姐的精心傑作，為身在香港的加蔥賀壽，多姐轉貼加蔥早前在直播中獲知有呢份大禮時還寸嘴表示：「我唔驚，安排吖，我好開心呀，玩大啲吖﹗我唔驚呀﹗」點知多姐認真籌備，送呢份驚喜，加蔥抵死話呢個仇一定會報：「畀你開心多一個月，我返嚟一定會回禮」。

新粉紅教主號開車 六毫子寸爆「林茂發呢個名點樣出道？」

微辣官網亦貼出相片，並寫道：「新·粉紅教主號，可遇不可求，聽日見到記得打卡呀！預祝新·粉紅教主，生日快樂，多謝舊·粉紅教主嘅精心準備。」微辣老闆六毫子都忍唔住留言問：「 林茂發呢個名點樣出道？」有網民回覆：「不如叫LMF啦﹗」亦有網民tag盧瀚霆，並指兩個教主可以battle吓，相當搞笑﹗