張繼聰情人節送老婆電單車 謝安琪哭笑不得:我冇電單車車牌! 網民:句嘢有骨
廣告
情人節不少情侶都會大送閃彈,圈中出名恩愛多年的張繼聰和謝安琪今年也放埋一份。謝安琪發文表示收到老公張繼聰送的電單車,謝安琪既哭笑不得,但也發長文多謝對方,睇佢點講!
撰文:Lmc |圖片來源:張繼聰@IG、謝安琪@Facebook|編輯:海月
張繼聰情人節送老婆電單車 謝安琪哭笑不得:我冇電單車車牌! 網民:句嘢有骨
謝安琪以《禮物的意義》為題,發長文講今年收到情人節的禮物。她提到獲老公張繼聰送贈一架電單車,張繼聰熱愛電單車,想不到今次會送電單車給老婆,謝安琪提到:「禮物的意義,第一:我係未有電單車牌嘅。第二:如果我真係去考電單車牌唔係話一定,係大約9成機會選擇考自動波。所以當張先生送圖中呢架咁別緻嘅中古電單車仔畀我,我當然好欣賞啦。但係一諗起自己連電單車牌都冇,仲要呢架係棍波電單車,我真係好驚喜。」
謝安琪續指一份好的禮物不單止氹到你開心,分分鐘可以啟發到你成為你人生的轉捩點,他(張繼聰)送架我自己揸不到的電單車給我,一定是代表他想鼓勵我跳出自己的既定框架,寓意只要我夠膽嘗試,就可以飛身躍起騎上電單車開展一段嶄新的人生旅程,看到更多不一樣的風光。
同場加映
又唔係出身巨富含住金鎖匙出世,唔少藝人都曾經捱過窮過默默無聞從低爬起,正如模範夫妻張繼聰同謝安琪(Kay)兩公婆當年奉子成婚,當中辛酸真係有苦自己知。
張繼聰、謝安琪四千呎獨立屋內籠曝光 村屋搬豪宅夠勵志!