張惠雅面部有紅印、背脊一撻撻仲留言：唔好打面 嚇親一眾網友！
廣告
張惠雅（Regen）自在ViuTV節目《吃掉前男友》中，提到與年輕8歲的男友分手，體重一度暴跌後，不時就在其社交網上載相片，一時撞崩牙、一時就搞到雙腳滿佈斑紋，一時就前手臂滿佈傷痕，而日前，張惠雅又再上載相片，相中看到她面部有紅印、背脊仲一撻撻，嚇親一眾網友，情況令人擔心。
撰文：八卦妹｜圖片來源：張惠雅（Regen）IG
張惠雅滿手傷狠 網友感驚訝
張惠雅（Regen）早在今年5月時，就指自己在長洲開食店，當時她就在社交平台上載一張食住腸仔的相，留言提到：「老闆娘親身推介店裡面的台灣腸，很淫，來西灣嘗一口包你流連忘返。」相中見到她食得十分開心，相當滋味。不過有眼利網友發現她的手滿佈傷痕：「隻手搞咩傷曬？」，看相有點似濕疹又有點似舊傷。也有網友搞笑回覆：「睇到張相，一好想去老闆娘度瘋狂食臺灣腸。」
相關文章：
Regen張惠雅哂「食腸照」、網友驚見滿手傷痕！力勸：有病真係要睇醫生
張惠雅貼出滿佈斑紋腳相 醫生：係咪High毒
在六月初時，張惠雅就在其社交網上貼出滿佈斑紋的右腳相，留言講到去年到越南時被昆蟲所咬：「成年唔敢見人，原本上年新年去越南比嘢咬。半年後好得七七八八，但係突然冇濕疹嘅我開始雙腿好痕，好似風癩咁樣，好痕好痕。有時訓咗自己R咗唔知，最後變成咁樣，去開嘅醫學美容中心好好都嚇親。醫生問我係咪High毒，打過一次pico，其實你而家見到已經淡咗一半顏色，醫生話黑色素深度好似岩石咁，原本要繼續去打斑，醫生好好幫我好咗好多，但係自己好忙好攰，不如同自己講接受咁樣嘅自己，接受現實。」
張惠雅面部有紅印、背脊一撻撻仲留言：唔好打面
而日前，張惠雅（Regen）就在其社交網上載數張相片，從相中看到她面有紅印，背脊亦一撻撻紅印，仲留言：「我塊面咁精緻都話咗唔好打面，停止家暴，話畀你信任嘅人聽！」，不少網友看到後都紛紛指自己被嚇親；之不過，原來張惠雅的面上及背脊的紅印是因拔罐而成，而非家暴，大家可以不用太擔心。
網友：拔罐可以拔塊面嘅咩？
雖然有不少網友都被張惠雅（Regen）嚇親，但當知道是拔罐印時，好友練美娟同一眾網友就好奇問：「拔罐可以拔塊面嘅咩？」、「無聽過塊面都可以拔罐」、「好危險，因為面皮好薄，吸力太大可以扯爛面皮…」
圖片來源：張惠雅Regen IG
