張彥博、孫慧雪原來係中學師兄妹？呢間學校專出童顏藝人？
廣告
大台劇《跳躍生命線》口碑同收視都唔錯，飾演救護員「雄姐」呂劍雄嘅張彥博，依家38歲，其實都不經不覺入行13年，令唔少人以為佢好細個，不過唔講唔知，原來張彥博同孫慧雪唔止好friend，原來佢哋係中學師兄妹嚟，兩個都長得一副可愛童顏！
撰文：東方新地｜圖片：新傳媒圖片、張彥博IG｜編輯：乖乖l（原文刊於東方新地）
專出童顏藝人？孫慧雪、張彥博 原來係中學師兄妹⋯
張彥博在大台劇《跳躍生命線》飾演救護員「雄姐」呂劍雄，故事講佢同何廣沛、郭子豪等一齊教入消防處做救護訓練員，當中經歷好多困難，最終成功畢業，而張彥博穿起西裝面試，成個𡃁仔咁！
原來佢哋中學時期都係喺小西灣衛理中學讀書，仲要兩人都咁童顏，實在難得！
網民唔單止讚兩人keep得好，仲話佢哋真係好襯！
張彥博有著一副天生的童顏，經常被派演學生哥嘅角色，觀眾又怎會想到他已經38歲呢！
睇番佢細個啲童年照，已經有對大眼，都幾靚仔可愛！
睇番阿雪入行多年，都扮過唔少學生妹嘅角色，全因穿起校服嘅樣子零違和感！
張彥博天生長得一副俊俏baby face，有人話佢似張敬軒有人話激似小豬羅志祥，總之都係靚仔啦！之前佢喺《一屋老友記》中飾演細寶而人氣急升，角色設定為25歲的無業青年，張彥博演得入木三分，嗰種反叛與不成熟感相當自然，難怪觀眾受落！
阿雪樣子甜美笑容又燦爛，係唔少人心目中的女神，從外表真係未必估到佢已經入行12年，已經36歲啦！兩年前佢推出第一本、同時係最後一本寫真集，入面啲相大騷其33C上圍，黑絲半裸咩都齊，難怪男粉絲們逼爆書展！
