張寶兒變身「星級形象指導」新造型惹網民劣評 Bra Top打孖上襯西裝褸 「一啲美感都無」
廣告
張寶兒自從做埋「星級造型師」後，成日都「時裝達人」上身，post出自己唔同造型照，仲負責《聲夢》學員形象指導，雖然看來走出新血路，不過網民就唔多Buy張寶兒衣著品味。日前她post出新造型，兩個Bra Top外襯一件Oversized西裝褸，網民紛紛畀劣評「一啲美感都無」！
撰文：東方新地 ｜ 圖片：張寶兒IG ｜編輯：Bonita 原文刊於：東方新地
張寶兒新造型示人
日前張寶兒影了一輯新相，其衣著偏向Earth Tone，全身米白造型，西裝褸內穿了兩個胸圍，一個是喱士，一個是布質，只見張寶兒一臉自信，右手拎住個非常迷你的手袋，擺出模特兒般的甫士。
網民反應一面倒
張寶兒一反傳統，把兩個胸圍重疊來穿，營造層次感，非常創新，不過網民就唔太buy，紛紛留言畀劣評。
毫無美感可言
網民留言踩得好盡，總之就毫無美感，亦唔識欣賞。
張寶兒品味未被認同
張寶兒早前包辦了《聲夢傳奇》眾學員的演唱會造型，搖身一變成為星級造型師，不過她的衣着品味似乎未被大眾認同，更被指未夠班為其他人造型。我行我素的張寶兒依然自我感覺良好，打扮愈來愈有個人風格，又不時在社交網大晒老公袁偉豪親自操刀的造型寫真，希望進軍時尚達人界別。
黐齊蔭扮後生
唔知係咪早前近得聲夢班妹妹仔多，30歲的張寶兒又搞搞新意思，近日多次為自己黐上假齊蔭轉新髮型，而網民的焦點就落在她的齊蔭look，因為成個樣變晒第一眼望落去，幾乎認不出是她來，還被指與鞏俐及蔡穎恩撞樣。
