巴黎時裝周︳馬天佑3大女星「照妖鏡」Avril Lavigne都搞唔掂

馬天佑「照妖鏡」︳Fiona終於變返41歲

薛凱琪（Fiona）就係其中一個被集郵的藝人。Fiona最近北上發展，自亮相綜藝節目《乘風破浪3》後人氣再度急升，網民封薜凱琪為「香港最後一個少女」。而Fiona個樣亦愈來愈唔同，雖然依然娃娃臉，但係鼻樑極高臉變V煞，甚麼撞樣范冰冰，令Fiona的樣貌受到不少關注。Fiona喺ig都有放上佢去巴黎時裝周的靚相，照片可見都係以往精緻的娃娃臉，不過點知喺馬天佑集郵相中似乎就變成「照妖鏡」咁，真樣無所遁形，Fiona精緻的娃娃臉似乎唔見咗，老態出咗嚟，不過有網民就反而認為咁樣先似返原來41歲的Fiona。

睇埋cloud 雲浩影：

馬天佑「照妖鏡」︳范冰冰走樣最嚴重憔悴樣子判若兩人

集郵當中范冰冰就似乎炒得最嚴重！近年甚少蒲頭，同樣為41歲的范冰冰都有出席巴黎時裝周，喺佢ig可見范冰冰依舊係女神樣，精緻的樣貌配上雪白的肌膚，佢出席品牌Yohji Yamamoto的時候仲突破以哥德性感風現身，酥胸半露，網民都大讚冰冰咩造型都駕駛到！不過范冰冰都被馬天佑集郵，集郵相同佢自己ig的相被網民指狠批判若兩人，雪白的肌膚睇落變得暗黃，范冰冰樣子望落相當憔悴，未知是否燈光問題顯得黑眼圈非常大，而且仲影到范冰冰的衫有啲走位，疑似有所走光露出乳貼。

馬天佑「照妖鏡」︳Avril Lavigne都炒車

馬天佑「照妖鏡」中，唔止亞洲藝人炒車，Avril Lavigne都出事。同樣喺出席品牌Yohji Yamamoto的Avril Lavigne，由超型格，變到肥腫難分。