巴黎奧運閉幕7大花生位表演極奇怪網民睇到恰眼瞓Tom Cruise跳傘係播片

隨著巴黎奧運的圓滿落幕，閉幕禮將於香港時間凌晨3點在法蘭西體育場隆重舉行。這場盛大的閉幕禮持續差不多3個多小時，體育場將轉變為一座壯觀的音樂殿堂。數百位演員、雜技高手、舞者及馬戲團藝術家將聯手獻技，並有多位國際知名歌手加入演出行列。與開幕禮的水上表演不同，閉幕禮的部分環節在半空中展開，為觀眾帶來更多驚喜，一文睇晒7大花生位。

1. 半空落金人似足異形宣傳網民：Sammi行得好前

閉幕禮第一個表演開場是半空降落一位金人為「黃金航海家」，與一堆白色人一起堆砌出5環，致敬奧運起源希臘。不過不少網民就指唔多識欣賞，指似足異形宣傳，笑言Sammi演唱會造型行得太前。「有金色異形feel」「喺咪宣傳緊異形」「Sammi行得好前」「鄭秀文演唱會好似震撼啲」「外星人襲地球？」「DLxM唔講以為周杰倫演唱會開場」「設計條友咪玩得太多elden ring?」

巴黎奧運閉幕禮表演開場半空降落一位金人，網民指似足《異形》以及sammi演唱會造型（圖片來源：viutv直播截圖） — 閉幕禮表演開場半空降落一位金人，網民指似足《異形》以及sammi演唱會造型（圖片來源：viutv直播截圖）

巴黎奧運 sammi演唱會由Windowsen品牌設計師Sensen Lii李森森精心設計的服裝，該服裝採用了來自奧地利的Swarovski水晶裝飾。網民笑言sammi行得太前（圖片來源：東方新地） — sammi演唱會由Windowsen品牌設計師Sensen Lii李森森精心設計的服裝，該服裝採用了來自奧地利的Swarovski水晶裝飾。網民笑言sammi行得太前（圖片來源：東方新地）

2. 農曆7月睇閉幕表演極詭異？網民：邪教現場

除了黃金航海家之外，整體表演造型網民都指唔識欣賞，而且指不知是否因為現時為農曆7月，又於凌晨時分，感覺相當詭異，感慨藝術呢家嘢真是不懂欣賞「法國佬又整啲抽象野」「呢part真心kam kam地」「農曆7月玩啲咁嘅野」「太藝術我真係睇唔明」「農曆7月睇呢part好詭異」「同法國電影一樣」「邪教現場」「群魔亂舞」「真係唔識欣賞」「藝術嘅嘢真係識條鐵」

巴黎奧運其實係致敬奧運起源希臘，不過造型有點詭異（圖片來源：viutv直播截圖） — 其實係致敬奧運起源希臘，不過造型有點詭異（圖片來源：viutv直播截圖）

巴黎奧運不少網民表示自己不懂欣賞（圖片來源：viutv直播截圖） — 不少網民表示自己不懂欣賞（圖片來源：viutv直播截圖）

巴黎奧運這個5環砌了差不多半小時（圖片來源：viutv直播截圖） — 這個5環砌了差不多半小時（圖片來源：viutv直播截圖）

3. 倒轉彈鋼琴網民笑言抄TVB陳展鵬

在砌5環時，中途倒吊了一位鋼琴手表演「倒轉彈琴」非常震撼。不過有網民就笑言想起TVB 50週年台慶陳展鵬360度打鼓「勁過陳展鵬」「Tvb 當年行得太前」「諗起係咪煎pan 360度打鼓」「tvb 行得好前」「咁樣睇360度打鼓睇來真係普通料」

巴黎奧運在開場表演砌5環時，中途倒吊了一條鋼琴手表演「倒轉彈琴」不少網民大呼震撼（圖片來源：viutv直播截圖） — 在開場表演砌5環時，中途倒吊了一條鋼琴手表演「倒轉彈琴」不少網民大呼震撼（圖片來源：viutv直播截圖）

巴黎奧運有網民就笑言想起TVB 50週年台慶陳展鵬360度打鼓（圖片來源：tvb截圖） — 有網民就笑言想起TVB 50週年台慶陳展鵬360度打鼓（圖片來源：tvb截圖）

4. 節奏慢睇到個個恰眼瞓主席講嘢被批太長氣

閉幕禮宣稱是3小時左右，但單是完成第一個表演砌5環，當時閉幕禮差不多2小時。香港時間凌晨5點半還在播主席致詞，不少網民大呻等Tom Cruise表演等到不行了，而差不多香港時間6點才有Billie Eilish聽「我覺得有啲performance可以cut短啲」「法國永遠搵到位考驗大家耐性」「3個鐘後都未有靚佬湯」「係咪同食法國餐一樣，一餐飯食幾個鐘」「有無2倍速」「瞓唔著想睇埋個閉幕禮，點知呢段咁催眠」「快快手喇主席，唔好長氣」「佢要讚晒7大洋5大洲先完」「好似小學等校長噏完先有得開聖誕聯歡會咁」「主席份稿咁長係咪寫足17日」

巴黎奧運主席講咗半小時有多的演講（圖片來源：viutv截圖） — 主席講咗半小時有多的演講（圖片來源：viutv截圖）

5. Tom cruise從天而降落地險失準不過跳傘係拍定先？

等到主席講完致詞後，62歲湯告魯斯(Tom Cruise)終於出場，而且真的與傳聞一樣從天而降，只吊了一條威也的Tom Cruise在球場頂位跳下，落地似乎有小小企唔穩險出事。其後Tom Cruise騎起電單車拿上奧運旗幟，似足電影《Top Gun》傳遞到下一屆奧運會主辦城市美國洛杉磯。Tom Cruise上了飛機後，如上演猶如電影《職業特工隊》再次表演高空跳傘。Tom Cruise降落後，改裝美國「Hollywood」字句為5環，非常有創意。

巴黎奧運 62歲湯告魯斯(Tom Cruise)終於出場，而且真的與傳聞一樣從天而降（圖片來源：viutv截圖） — 62歲湯告魯斯(Tom Cruise)終於出場，而且真的與傳聞一樣從天而降（圖片來源：viutv截圖）

巴黎奧運只吊了一條威也的Tom Cruise在球場頂位跳下（圖片來源：viutv截圖） — 只吊了一條威也的Tom Cruise在球場頂位跳下（圖片來源：viutv截圖）

巴黎奧運拿上奧運旗幟騎起電單車，似足電影《Top Gun》（圖片來源：viutv截圖） — 拿上奧運旗幟騎起電單車，似足電影《Top Gun》（圖片來源：viutv截圖）

巴黎奧運傳遞到下一屆奧運會主辦城市美國洛杉磯（圖片來源：viutv截圖） — 傳遞到下一屆奧運會主辦城市美國洛杉磯（圖片來源：viutv截圖）

巴黎奧運 Tom Cruise上了飛機後，如上演猶如電影《職業特工隊》再次表演高空跳傘（圖片來源：viutv截圖） — Tom Cruise上了飛機後，如上演猶如電影《職業特工隊》再次表演高空跳傘（圖片來源：viutv截圖）

巴黎奧運 Tom Cruise降落後，改裝美國「Hollywood」字句為5環，非常有創意（圖片來源：viutv截圖） — Tom Cruise降落後，改裝美國「Hollywood」字句為5環，非常有創意（圖片來源：viutv截圖）

巴黎奧運網民大讚非常有意思（圖片來源：viutv） — 網民大讚非常有意思（圖片來源：viutv）

整體表演網民都大讚Tom Cruise真係型到爆「哇x我唔得啦好x型」「洗唔洗咁x型」「62歲仲咁fit」「電影級」「美帝一條片精彩過你成個奧運」「美國佬做乜都型過人」不過都有網民指等了3個小時有點失望，事關Tom Cruise落地似乎有點失準，而跳傘那部分一早拍定「落地咁7嘅」「落地後腳步浮浮」「落得唔夠型」「呢段一早拍定無咁好feel」「跳傘竟然係播片」有網民就指Tom Cruise落地其實無問題，只是鏡頭拍得不好。

巴黎奧運整體表演網民都大讚Tom Cruise真係型到爆（圖片來源：viutv截圖） — 整體表演網民都大讚Tom Cruise真係型到爆（圖片來源：viutv截圖）

巴黎奧運 Tom Cruise落地疑似有少許失準（圖片來源：viutv截圖） — Tom Cruise落地疑似有少許失準（圖片來源：viutv截圖）

巴黎奧運 Tom Cruise拿了奧運旗幟後基本上都係播片（圖片來源：viutv截圖） — Tom Cruise拿了奧運旗幟後基本上都係播片（圖片來源：viutv截圖）

6. 美國表演成閉幕禮最好看

到達美國後有Billie Eilish、Rapper Snoop Dogg在沙灘表演，網民大讚勁有GTA的感覺，還指由Tom Cruise開始至演唱這部分成為整個閉幕禮最好看的一部分「美國佬今次落足本」「全球識唱」「好鬼GTA」「依首歌無敵」「成單野好美國，變咗做大music fest」「個背景就係GTA」「依d先係歌！」「一part贏晒成個閉幕禮」

巴黎奧運有Billie Eilish、Rapper Snoop Dogg在沙灘表演，有不少網民指成個閉幕禮終於聽到識的歌（圖片來源：viutv截圖） — 有Billie Eilish、Rapper Snoop Dogg在沙灘表演，有不少網民指成個閉幕禮終於聽到識的歌（圖片來源：viutv截圖）

7. HOYTV勁嘈個個轉台睇ViuTV?

這次閉幕禮有不少電視台進行直播，不過其間有網民就狂轉台到ViuTV，投訴HOYTV主持非常嘈吵，形容整個閉幕禮靜不到3秒？紛紛轉台到ViuTV「HOYTV靜不到3秒全世界轉台ViuTV」「Viu有插兩句嘴講解下，幾好。」不過ViuTV就被網民發現女主持讀錯Phoenix為「風力s」，更多次聽到食薯片聲音，而且在精彩位置播廣告「viutv條女連Phoenix都唔識讀、讀x風力s」「我聽到食薯片聲音」「主持熄咪啦」「悶左咁x耐開始精彩你去廣告」