岑珈其雙眼皮即撞樣3大靚仔藝人?網民:以為Tyson Yoshi著咗衫
廣告
因ViuTV綜藝節目《膠戰》「火爆爺爺」形象深入民心的岑珈其,出道15年默默耕耘,仲同影帝人馬梁朝偉、劉德華拍《金手指》被前輩大讚。估唔到走開實力派的岑珈其,近日一張自拍,竟然撞樣3大男藝人?
岑珈其突變雙眼皮 即撞樣3大靚仔藝人
岑珈其近日po出一張做完運動的自拍照,寫住「做運動,係為咗食更多嘅野」,表示自己而家正在瘦身中。點知照片一出,即引嚟極大迴響,事關照片中岑珈其一改以往單眼皮的樣貌,突變為雙眼皮,仲要擺出一個cool爆樣子,令好多網民第一眼完全唔認得,引嚟勁多人留言指撞樣Tyson Yoshi、邱士縉(Stanley)仲有吳卓羲!
![岑珈其](https://imgs.nmplus.hk/wp-content/uploads/2024/01/-2024-01-17-12.34.39_72119280465a78dfe47385.png)
網民:以為見到Tyson Yoshi著衫
「成個Tyson Yoshi咁樣」「點解咁似 大表哥,騙照喎」「睇左幾秒都認唔到係邊個,睇埋個名再睇多次,都認唔到」「第一眼以為我fo咗吳卓羲,明明冇」「嘩?乜呢張相咁靚仔嘅?我以為我睇緊大表哥Stanley個IG。望真啲先知原來係爺爺你」「喂!做運動可以變雙眼皮嘅?」「下 以為見到tyson yoshi著衫」「影得好靚仔!!」「原來你係唔樣衰架」「做完運動靚仔左,勁」
圖片來源:ig@kakisham、ig@tysonyoshi、ig@stanleysc_、ig@ron_ng_0902