屯門娜娜結婚了！老公同方力申撞樣 Happy伯最傷心？
廣告
經常在屯門出現並表演的屯門娜娜，在網上傳出一張結婚照，睇嚟屯門娜娜都值得有幸福，終於有情人終成眷屬，同一名男性結婚，而對方仲同方力申有啲似樣，唔通係「屯門方力申」？
屯門娜娜結婚了 老公同方力申撞樣！？
曾經常在屯門公園出沒並又唱又跳表演的屯門娜娜，因為其精彩的唱跳為人熟悉，亦算是本港「大媽唱跳團體」的先河，而每次在屯門娜娜的出現時，都會有「Happy伯」伴隨，踏入老年的Happy伯都依然跳得，仲成日同娜娜「Jam舞」！
娜娜結婚了！
今日（9日）在Facebook群組「真.屯門友」中，流傳出一張照片，當中是屯門娜娜同一名男性結婚並手持結婚證書的照片，屯門娜娜一襲白色婚紗再配上標誌性粉紅色頭髮，男方都唔輸蝕地以白銀頭髮加上灰色格仔西裝，兩人都夠晒「潮」！而屯門娜娜的男伴更是有少少似方力申，果然都有明星樣！
Happy伯與新郎世紀大和解
而對於屯門娜娜結婚，網民都指最傷心的相信便是Happy伯，唔少人都戥Happy伯唔抵，認為陪伴娜娜最耐的明明是Happy伯，最後卻無法成為新郎哥，認真慘。不過都有網民發現，娜娜有邀請Happy伯出席婚禮，而且仲有同新郎合照，好大方！
網民笑：襟兄弟合照
對於Happy伯咁大方同「情敵」新郎合照，唔少網民都忍唔住笑稱「襟兄弟合照」，「睇得好開」。不過都有網民認為Happy伯以後冇得再跳老舞，唔知孤獨的日子點過好！
屯門娜娜老公是誰?
網傳屯門娜娜結婚照流出，新郎哥仲同方力申有啲似樣，有明星相！詳情請看
Happy伯與新郎有甚麼關係？
唔少網民認為陪伴娜娜最耐的明明是Happy伯，最後卻無法成為新郎哥，認真慘。但娜娜有邀請Happy伯出席婚禮，而且仲有同新郎哥合照，可見關係並不差！詳情請看
圖片來源：Facebook，YouTube
