小薯茄︳爆公關災難?支持配音良心小店點知被爆行內黑店!力數3宗罪
小薯茄︳爆公關災難?撐小店點知中「黑店」?
YouTube頻道小薯茄「你撐我撐小店」系列最近搵嚟一間「聲匠製作」的配音公司,大講粵語配文化,成條片睇落非常有意思。點知留言有網民爆出原來呢間小店係「黑店」嚟?仲力數3宗罪!「哇呢家………撐佢我真係黑人問號。做人有啲嘢我覺得要過到自己良知。」
![小薯茄](https://imgs.nmplus.hk/wp-content/uploads/2023/12/vs-youtube-4pomato-252_933289557657a7e346d4fd.jpg)
網民力數3宗罪︳1. 前老闆走配音員數 現任老闆有份助攻?
自稱前苦主千字文強調要爆真相!先指出唔明小薯茄點解會搵呢間公司,大爆原來呢間公司的前老細差配音員錢,無錢出糧,其後想走佬,就將間嘢低價賣俾而家公司個老闆,跟住而家老闆仲明知前老闆想走佬的情況吓都同舊老闆收購咗,仲要唔通知受影響的員工。而且而家公司的老闆為免揹條數上身,通過買晒啲器材然後再開新公司的方法同舊老闆劃清界線。網民指出原本係有解決方法令配音員唔需要受到損失,即係會夾錢頂咗呢間舊公司,用盈利填返欠薪,或者一齊搵拖欠薪金的配音員開工補數。網民感慨而家個老闆係法律上佢係無錯,只係道義上的問題,而家好多配音員都唔願意幫呢間Studio做嘢,之後亦向Viu出過聯署,叫眾網民自行判斷到底呢位老闆到底有無問題。後來引嚟勁多同行爆料,仲話原來損失成七十幾萬!
網民力數3宗罪︳2.老闆古惑又最愛賣慘
其次仲有多名自稱前苦主爆該小店老闆古惑又最愛賣慘,仲話如果入咗呢間公司之後,唔會有第間公司搵你開工!「識得佢耐嘅就知佢份人不嬲都好古惑,最鍾意就係賣慘,奉勸想學配音想入行嘅唔好搵呢間公司,因為出到嚟基本上唔會有第二啲公司同領班搵你開工」「有太多人比呢個老細表面嗰層呃左」「教人配音,傳承呢個行業? 記得教埋啲學生要有良知,要有道德,唔好好似佢咁為咗得到某啲嘢而犧牲其他人,仲要講到自己都係受害者,自己都好慘呀」
![小薯茄 片中老闆講到行內好多人好有心做配音員,然後非常感動講到眼濕濕](https://imgs.nmplus.hk/wp-content/uploads/2023/12/vs-youtube-4pomato-1304_167615130657a7e7635ce6.jpg)
網民力數3宗罪︳3. 上堂乜都學唔到 連興趣班都不如!
跟住仲有自稱報讀過呢間公司的前學員都爆料,爆小店導師教學根本教唔到人,上堂課程只係俾學員試吓配唔同類型影片,配完基本一個學期的課堂就結束,導師唔會關心你最後有無得著學唔學到嘢,上完堂無功課,仲要勁「大細超」,雖然最後會有畢業功課,但係就連導師上堂都自己講呢個課堂只係俾學員玩吓!結束後無人反映問題,無人會幫手處理。
其次又話導師唔識教人,形容個課堂「連興趣班都談不上」,因為興趣班都至少有體驗、試下啲器材,但呢個配音班只係拎啲片出嚟俾學員配吓,唔教人點讀正字、發音、表達情緒、語氣,就連改懶音都無教。狠指要介紹點都唔會介紹呢間嘢,直言係「倒錢落海的course」
睇片先:
小薯茄未有回應 網民力撐:佢哋係無辜架!
其後就今次撐小店公關災難事件,記者向小薯茄經理人查詢將會如何交代,對方已讀不回,暫未有回應。
亦有唔少網民認為呢單嘢好似只有行內人會知,小薯茄只係唔知情的情況下剛好訪問中呢間公司,其實佢哋都好無辜,希望小薯茄下次可以做多啲功課先。「其實稍為對香港粵語配音有認識…都知呢間studio有幾黑…訪問一間行業之恥 當然我相信小薯茄唔知」「老實講唔係行內人唔知呢間公司咩料真係唔出奇」「老老竇竇 呢啲唔係行內人真係好難知」「如果得咁少人知而又冇乜公開發表過問題,小薯茄都幾無辜」「真 ,Google搵過吓都唔覺有咩新聞/討論」「小薯茄可能要做多啲功課,帶眼識人」「本身都睇開小薯茄,但係估唔到竟然會介紹呢間嘢,真係好失望,希望只係未了解清楚而介紹錯啦」
「小薯茄」麗英為何拍洗頭水廣告會引起爭議?
「小薯茄」藝人麗英(鄧麗英),近來接拍了一個洗頭水廣告,卻惹來極大爭議,不少網民狂轟…詳情請看
麗英身材好勁?
麗英早前在IG出了一張泳衣照,引起網民的熱烈討論…詳情請看