盤點15位索爆「小腰精」炎夏出動！ 李施嬅39歲依然fit到爆

撰文、圖片：東方新地丨原文刊於：東方新地丨編輯：白子

盤點15位索爆「小腰精」

高海寧 33歲

美女配才子、地下情愈玩愈公開，高海寧同鄧智偉呢一對驚爆去年已經分手令到唔少人大跌眼鏡。其實事業全盛期、演技愈趨成熟、身形愈見美妙，高Ling單身後應該大把市場！

李施嬅39歲

年近四十，皮膚白滑身材纖幼更勝少女，keep住好身材同小蠻腰，李施嬅全靠每日飲高纖蔬菜湯同勤運動，同時達到補水、排毒同維持平坦小腹功效。

劉佩玥30歲

樣靚身材正，入行以來緋聞不斷，曾經緋聞多多嘅劉佩玥其實唔係只得逼爆上圍，密密實實只係露出緊緻小蠻腰，一樣可愛又性感。

馮盈盈26歲

性格爽快敢愛敢恨更敢言，愈做愈有觀眾緣愈得電視台力捧嘅馮盈盈其實都fit到漏，身材好過選港姐嗰陣㖭！

陳欣妍27歲

ViuTV新晉小花陳欣妍擁有標緻面孔和爽朗氣質，再加上青春無敵，簡簡單單一件露腰背心一條短裙已經清爽又吸睛。

姚子羚39歲

閒時熱愛長跑，愈跑愈 fit 更跑出新劇《 大步走 》，姚子羚全身沒有一點贅肉的完美身形背後付出唔少血汗。

連詩雅32歲

憑劇集《那些我愛過的人》成功入屋、演技令人刮目相看以外，連詩雅如何保持22吋小蠻腰秘笈亦成為港女熱話，除咗keep住做運動外，原來仲多得持久自律食西柚減肥餐。

朱晨麗32歲

新晉當家花旦朱晨麗事業愈好自信愈爆棚，其實自細係習舞之人，係拉丁舞和中國舞高手，身材標青擁有楊柳腰枝是基本吧。

衛詩雅35歲

擁有專業鑽石鑑定證書，仲邊做戲邊考埋船牌、大偈牌、導遊牌、潛水牌、寵物美容、寵物傳心術同中醫初級證書，被譽為圈中牌王嘅衛詩雅話你知，露腰一樣可以露得典雅又型格。

李佳芯37歲

無論事業起起落落、無論疫情打亂計劃，Ali李佳芯永遠帶著笑臉充滿正能量，不經意露出白雪雪小肚臍，低調性感最吸引。

湯怡32歲

近年沉迷做運動，仲開埋YouTube頻道教人修身，追開湯怡 IG 同YouTube， 對佢嘅腹肌同誘人馬甲線絕對唔會陌生。

江嘉敏25歲

可能是九十後一輩中最多新聞的電視台女藝人，接連捲入緋聞、被指勾人夫、同好姊妹馮盈盈反面，江嘉敏去到邊一樣打出小蠻腰笑面迎人，EQ高無視負面新聞呢樣無得頂。

鄧佩儀27歲

接連演出重頭劇、角色愈嚟愈吃重，鄧佩儀天然美貌、親和笑容還有健康自然身材最加分。

唐詩詠39歲

被網友譽為最girlfriendable女星，可惜感情遲遲未有著落，可能外界太關注唐詩詠嘅感情事，不時傳出緋聞甚至驚爆懷孕，睇吓個扁平小腹就知事實勝於雄辯。

同場加映

《姊妹淘》27歲陳詩欣肯露肯搏有得留低 主持大換血都冇事！