容祖兒新單曲《九秒九》驚喜邀Gareth. T作曲 更做埋MV客串！

容祖兒在接受訪問時表示，這首歌的概念是由黃偉文一手促成。「因為佢係《緊急聯絡人》嘅填詞人，當我俾咗Gareth呢個demo佢嘅時候，佢好快就話俾我聽『不如我哋就寫《緊急聯絡人》嘅下集。』由我作為第一身去講番嗰件事、嗰個感受。」她說。

無限循環Gareth. T的音樂魅力

對於合作夥伴的選擇，容祖兒坦言自己對每個階段的音樂人都有不同的欣賞。「呢幾年每一次聽湯令山嘅新歌，我都可以無限循環咁樣去聽，無論佢嘅melody同埋演繹，對我嚟講好有feel，所以今次做新碟第一個想合作嘅人就係Gareth」，容祖兒分享了她對Gareth. T的欣賞之情。

《九秒九》MV：的士司機客串與一鏡到底的挑戰

在新歌的音樂錄影帶（MV）中，容祖兒不僅邀請了Gareth. T客串的士司機，更採用了一鏡到底的拍攝手法。「佢嘅MV都係佢嘅創作嚟嘅。所以我話：『我今個MV可唔可以邀請你參加呀？你啲MV成日都有你啲朋友，我可唔可以邀請你？』佢話：『ok㗎，我可以㗎。』然之後佢就喺入面飾演一個角色。」容祖兒透露了MV的幕後趣事。

面對首次「一shot直落」的拍攝方式，容祖兒坦言這是一個充滿挑戰性的嘗試。「有兩個單位我好多謝嘅，第一次合作嘅導演Maggie同埋邵美君老師。好耐之前我已經同邵美君講，『我好想跟你學演戲。』雖然最後冇成事，但今次呢個MV Maggie幫我搵咗美君，我哋一拍即合！喺佢嘅指引底下拍咗呢個MV，個感覺好安全、好有信心，希望大家都會喜歡呢個MV啦。」她對於MV的製作過程感到非常滿意。