宋芝齡隔空暗寸歐倩怡 連環兩個「吓」字質疑對方玩交友app戀愛觀

歐倩怡「女人真係唔好讀咁多書」宋芝齡「X」字回應！

歐倩怡早前受訪爆金句「女人真係唔好讀咁多書，如果唔係嚇親男人」引發唔少爭議，宋芝齡亦有留意，更稱最近看到一位藝人談論自己的離婚和單身生活，「內容提及自己嘗試接觸網上交友app，在Profolio上，填寫自己的高學歷，以她幾次的經驗所得，是會嚇怕身邊的男仔的。以她認為的總結，女人真係唔好讀咁多書…😳吓❓如果唔係嚇親男人…😳吓❓」連環兩個「吓」字質疑對方觀點！

宋芝齡專家上身講交友app：不要做純純的小白兔

宋芝齡對此表示，她認為這位藝人可能是初次嘗試交友應用，並未完全理解網上世界的虛幻性。「可能這位同事最近先學習玩交友app，未清楚其實網上的虛擬世界是極之虛幻的。9.5分飄、0.5分實🤧，與學歷沒有正面的關係。」其次她強調，無論男女，在虛擬世界中都應該保持警覺，避免成為騙局的受害者。「對於這方面我個人有點睇法，如果正常人以正常的邏輯思維去接觸現時的虛擬世界，那麼無論是男或女一定要小心、小心小心小心再小心⚠️ 不要做純純的小白兔🐰」

第三方面，宋芝齡提到：「看來我要加緊開辦多些相關女性的交流座談會，提昇自我、緊貼社會」。她的這番言論在網上引起了廣泛討論，有網民表示支持她的觀點，也有人對於「女人真係唔好讀咁多書」的說法表示質疑。

歐倩怡訪問：離婚後首談感情事

歐倩怡在離婚後首次擔任訪談節目嘉賓，今次歐倩怡在《絲打圍爐》坦言自己開始使用交友App尋找新的社交圈子，她說：「女人真係唔好讀太多書，真係有啲男士係會驚你，講個祕密畀大家知，最近開始玩交友App，profile寫自己咩咩咩，勁得濟係嚇親人，所以盡量簡單啲！」她透露曾與六位男士見面，但遇到了不少挑戰，包括被連續爽約。

歐倩怡IG逐一「撲火」！幫郭晉安講好說話

有網民再質問失禁連串處理手法：「睇完之後， 唔明點解你半夜呼吸唔到，身邊嗰個唔報警，仲有時間上網！Anyway，恭喜你展開新生活，努力。」歐倩怡解釋：「佢當時係驚，唔知發生咩事…我真係斷片式暈咗，發生咩事都唔知….太驚啦，唔知發生咩事，比着我都會驚，唔知應該點做！」

網民留言：「多謝你放過郭晉安，地球又多一個筍盤。」歐倩怡高EQ回應：「係呀，佢好好的﹗」網民又批：「真係戥郭晉安慘!!你真係太over了。」歐倩怡解釋：「beli bala 作風🤣只限鏡頭前」

網民亦有關注學費問題：「忘本。。。學費何來？」歐倩怡再補充：「係呀，我有好好多謝佢。感情事係咁，無得計嘅。大家依然係屋企人。多謝你支持啊😉」

另外，又有網民將馮盈盈作比較：「咁嘅學歴叫勁得滯，真係笑大人個口，fyy讀埋碩士都未講得出呢番說話。」而歐倩怡再一次高EQ回應：「多謝提醒😊其實我都知我好渣㗎咋，好多野都唔識，同無記性。嗰個純粹係節目效果。學海無涯啊📚」