宋慧喬新戲確定！再合作《太陽的後裔》舊拍檔
廣告
南韓人氣女演員宋慧喬雖然已經40歲但由於長相凍齡、氣質出眾，近年拍戲合作嘅男演員年紀一個比一個細，每次都引起網民討論，2018年同朴寶劍一同出演《男朋友》時，兩人相差11歲嘅差距就已經引起話題。本日（22日）傳出新消息，宋慧喬繼上部作品2021年嘅《現正分手中》後將同比佢細14歲嘅演員李到晛合作。
合作細14歲男演員
根據韓媒報導，宋慧喬嘅新作《The Glory》會合作細14歲嘅演員李到晛，故事講述宋慧喬飾演一名曾在校園受欺負嘅受害者，為咗報復不擇手段甚至出賣靈魂嘅女主角「文東恩」。而男主角李到晛曾經主演過《甜蜜家園》、《德魯納酒店》等劇集，好演技之下仲有清秀嘅樣貌，係新生代演員中值得關注嘅明日之星之一。
再合作《太陽的後裔》編劇
《The Glory》搵咗有「黃金編劇」之稱嘅金銀淑執筆，過去嘅作品除咗《太陽的後裔》之外，仲有《孤單又燦爛的神－鬼怪》、《欲戴王冠，必承其重－繼承者們》等人氣作品，今次亦係相隔4年再同宋慧喬合作。劇集預計會分開為上、下兩季，每季各8集，合共16集，預計會喺Netflix播出。
圖片來源：IG@kyo1122
