靚媽孫慧雪自爆造人秘技！阿嫲千叮萬囑：完事後一定要棟起對腳！
廣告
孫慧雪、關心妍與張美妮早前合作主持網上節目《靚媽圍爐》，三人更大講湊仔經。今次孫慧雪、關心妍與張美妮圍繞坊間生仔秘技話題，孫慧雪更自爆結婚當晚阿嫲千叮萬囑她：完事後一定要棟起雙腳，到底成效有幾勁？有版你睇！
撰文：東方新地 ｜ 圖片：《靚媽圍爐》影片截圖、孫慧雪IG圖片 ｜編輯：海月 ｜原文刊於：東方新地
孫慧雪分享閨房秘密
《靚媽圍爐》是網上節目，逢星期五在youtube頻道播出，今年2月底播出第一集，三位人母主持關心妍、孫慧雪與張美妮在首播都分享了子女的趣事和胎前記憶，內容輕鬆冇乜爆炸性。來到第二集，阿雪孫慧雪終於有料爆，當話題談及坊間有不少造人秘技與偏方，孫慧雪就自揭閨房事：「做完之後唔可以落床，然後對腳要向上，要keep住幾個字(最少十幾分鐘)，最爆係講呢樣嘢畀我知嘅人係我阿嫲囉！我一結婚我阿嫲就同我講一定要記得呀！佢捉住我，我以為有咩嘢要同我交代啦！結果佢係同我講對腳記得要向上，哈哈哈！」
靚媽公開三條生仔秘方
孫慧雪邊講邊大笑，關心妍與張美妮亦笑到肚痛，並在社交網力sell大家一定要收睇這一集，三個靚媽更提供了3條生仔要訣，就是浸腳、食生蠔加牛扒及親密完事後女方要把雙腳棟高。據知除了孫慧雪會自爆造人姿勢，張美妮亦會坦白大爆餵人奶經歷，如何發生噴射式人奶噴上天花板的瘀事。三個女人一個墟，孫慧雪、關心妍與張美妮就連求子期老公瘀事、各種閨房招式，如何迫老公進補等都毫無保留，所以三人都異口同聲說：「希望老公同奶奶都不要睇這個節目。」
