孫慧雪Cosplay《一拳超人》地獄吹雪性感版網友竟略嫌有點美中不足？！｜頭號粉絲

繼早前戴耀明扮演「一拳超人」埼玉造型後，日前廣告商就找來宅男女神孫慧雪（Snow）扮演「地獄吹雪」，雪雪仲在個人社交網站Facebook上大曬Cosplay造型照，當中有不少還是火辣爆乳相片，從而獲得不少網友大讚，之不過亦有網友略嫌當中有點美中不足，全因條裙太皺？！

撰文：東方新地｜圖片：新傳媒圖片、IG、孫慧雪Facebook｜編輯：八卦妹（原文刊於：東方新地）

Cosplay地獄吹雪與戴耀明肉博

為了扮演身材姣好的「地獄吹雪」，雪雪做足準備，不但換上深線色假髮和戴上有色隱形眼鏡，更換上黑色緊身爆乳裝，裝扮到唯肖唯妙，完全不輸扮演一拳超人的戴耀明！

Posted by Snow Suen 孫慧雪 on Thursday, January 30, 2020

除了個人的宣傳片外，雪雪和戴耀明更有合拍鏡頭，二人重演動漫中《一拳超人》埼玉和地獄吹雪近身肉博、埼玉倚向吹雪的名場面，令一眾網民大呼感動！

Posted by Snow Suen 孫慧雪 on Friday, January 24, 2020

阿雪cosplay「地獄吹雪」心聲：

「要cosplay真係好有難度，
要忠於原著，
又被投訴唔夠性感，
呢幾張比較性感，
又可能被投訴唔夠還原度高！
侵犯咗個角色，
你哋就當呢幾張係，
吹雪之日常
或吹雪之自拍照啦！
#第一張係Sunny影
#化妝師及造型師一眾女士話
#咁影先正
#在場男士話太性感未忠於原著
#但本人認為吹雪本身係性感
#你哋覺得」

Posted by Snow Suen 孫慧雪 on Friday, January 24, 2020

Posted by Snow Suen 孫慧雪 on Thursday, January 23, 2020

網民反應：

網友對阿雪的造型普遍受落大讚「雪雪好靚」、「乳不巨何以聚天下」、「傲暈峰！」，但就表示「條裙好皺、燙吓會更好」。

成為人母19年復出書展出爆乳寫真

雖然已經做咗人妻兼人母，身材火爆的孫慧雪在19年再次殺入書展加入寫真混戰，唔怕同一班𡃁模以至同是人妻人母的溫碧霞、羅霖鬥過。做咗幸福人媽還繼續解放性感，原來阿雪是為圓推出散文集心願，不過散文寫真集內有白Bra谷盡四吋事業線誘惑，真係睇到人噴晒血，咁火辣惹火，老公講明唔會睇，為令老公安心，阿雪聲言寫真是最後一剝：「真係自己咁耐以嚟最性感一次，應該都唔會再出寫真！」一班宅男，想睇就快手喇！

容許我負能量一下！究竟幾時先可以唔使戴口罩？鍾意出街就出街？唔使心慌慌？唔使每日起身第一件事睇吓又缺啲咩？邊度有平同真嘅口罩賣？確疹數字上升咗幾多？邊個地區係高危？去廁所記得用幾格廁紙好啦！仲要記得沖廁要冚蓋，大家互相嘅慰問係：你得返幾多個口罩呀！好想問一句：點解香港會變成咁？都好呀！訓練下大家嘅求生技能！過咗呢關，我哋嘅技能會再 +500

Posted by Snow Suen 孫慧雪 on Friday, February 7, 2020

孫慧雪打半年停經針

樣子甜美兼擁有33C魔鬼身材，被網民捧為「宅男女神」的孫慧雪，16年為紀念入行十周年，推出首本寫真集《 Once 》好評如潮，19年再接再厲出寫真，唔係為突破性感界限，原來只為圓心願。大學時主修語文系的阿雪，好想將個人經歷同人分享，趁書展推出散文寫真集《那個願沒有圓》，除咗大晒火辣身材，還大爆曾患腺肌瘤，差點不能成孕，對於成功誕下囝囝，阿雪接受本刊訪問時感觸良多：「嗰時發現患咗腺肌瘤，有成8cm大，因為喺子宮內膜好深入嘅位，根本做唔到手術，除非係將成個子宮割走，當時醫生話我懷孕機會率好低，我喺醫院喊到收唔到聲，後尾，打咗半年停經針，用提早更年期方法，希望令個瘤縮細，好彩個瘤真係縮細到1cm ，自己就把握時間生BB ，能夠生咗囝囝真係好開心，雖然依家個瘤又去番5cm大，要食藥控制住，其實一直以嚟，自己都冇講呢件事，今次出書，真係好想用正能量去鼓勵人，只要有信念積極去試，冇嘢係做唔到，希望大家遇到困難千祈唔好放棄，唔放棄你就會成就好多意想唔到嘅嘢！」

冇畀老公審批

身材向來有睇頭，阿雪亦豁出去以最性感一面派福利，如此誘惑，她卻透露事前未有經老公審批：「老公好信任我，佢知我好有分寸唔會亂嚟，亦唔會刻意賣弄性感，所以唔使畀佢審批，不過，佢都講咗話自己唔會睇！」雖然表明冇眼睇，但阿雪老公依然以行動撐老婆，在會展出席完寫真宣傳活動，老公就帶埋囝囝駕車接她，一齊去銅鑼灣逛街，全程表現恩愛甜蜜，抱實寶貝仔的阿雪更笑到見牙唔見眼，有老公錫又生咗得意仔，幸福滿瀉！