盤點女星孖辮look 個個都滲少女味！ 李佳芯360度零死角、岑麗香輕熟女靚媽 有仙氣又可愛！

撰文、圖片：東方新地丨原文刊於：東方新地丨編輯：白子

盤點女星孖辮look

鍾欣潼童顏最襯孖辮 look

即將踏入四十歲嘅阿嬌得天獨厚童顏不變，最襯孖辮 look。不過月頭喺廈門不幸發生意外，額頭傷痕雖然恢復進度良好，不過就有排都未可以紮孖辮露額住！

李佳芯360度零死角

37歲佳芯 BB唔止係360度零死角，亦係人所皆知山系女神。平時上山落海隨意紮起頭髮素顏上陣，除咗係跑山做運動時指定輕便打扮，亦再一次證明人靚，個頭點梳都好睇！

鄧紫棋難得簡單

16歲出道，20歲已經紅到上太空，為咗配合國際化感覺，G.E.M. 平時濃妝艷抹過於成熟。其實今年只得29歲，簡簡單單紮對孖辮都好睇，更見青春可人。

黃智雯愈活愈青春

黃智雯同珠寶集團高層詹文天穩定交往有愛情滋潤，又愈做運動愈起勁加入 crazy runner 行列，雖然年屆37歲，不過就愈活愈青春愈容光煥發，carry 得起辮辮有餘。

陳靜31歲仲 young 得起

08年拍廣告因為魔鬼身材天使面孔晉升為「 百果園 E 神 」，不過近年主打拍電影造型愈趨成熟，呢個孖辮 look 提醒大家31歲DaDa 仲 young 得起。

吳千語嬌俏活潑

同林峯相愛六年無疾而終，同百億富三代施伯雄又分分合合，近日有傳千語BB終於好事近，籌備明年嫁入施家，呢位待嫁姑娘今年只得26歲，紮起孖辮更嬌俏活潑。

黃翠如仙氣兼少女味

出道十七年、就快39歲，家陣已經榮升人妻成為蕭太，翠如 BB紮起孖辮唔止有仙氣，仲散發陣陣少女味。

岑麗香輕熟女靚媽

香香公主五官精緻可塑性高，高貴美艷可以、可愛嬌俏亦得，抱住囝囝 Jacob搖身一變輕熟女靚媽、紮起孖辮又多番啲少女味，完全睇唔出35歲，囝囝都已經歲半大！

陳瀅運動裝+孖辮更嫩口

今個月就過31歲生日，女神陳瀅貴在笑容爽朗五官脫俗，無論二字頭定三定頭，臉上都看不到歲月痕跡，配合運動裝再紮番條孖辮，即時再嫩口咗！

周秀娜清爽有氣質

𡃁模出道，憑冶艷性感形象深入民心，不過近年收起性感搖身一變成為實力女演員，35歲娜姐紮起辮仔其實都可以清爽又有氣質。

劉佩玥清爽簡單

充滿陽光與海嘅船河 look 最緊要清爽簡單，31歲劉佩玥紮上孖辮再加埋小飾物本來應該可愛又有睇頭，不過個電視妝略嫌重手咗，曬多陣唔知會唔會溶？

鄧佩儀孖辮 look勁sharp醒

27歲鄧佩儀青春無敵性格討好，拍劇短短五年已經成功入屋演技大獲好評，而呢個孖辮 look又係襯到足，配襯橙 Tee及鮮紅甲油更sharp醒。

傅嘉莉搣甩拜金形象

以往例牌穿金戴銀又專同人夫富叔叔來往，35歲的傅嘉莉近年憑拍電視劇入屋搣甩拜金形象，再加埋對可愛孖辮，唔止減齡仲變得更貼地。

同場加映

圈中隱藏9對閨密大公開 黃智雯被改奇怪花名、李佳芯、高海寧拍完劇唔捨得分開！