豬肉威威｜陷容貌升級疑雲 搵出對比圖 網民：等你除罩澄清！
廣告
荃灣爆紅豬肉威威劉宋威師奶界殺手，被熱捧出道後於youtube拍片教煮餸哄粉絲。不過威威負面消息愈來愈多，仲爆出一班黑粉開fb群組連環狙擊威威，威威愈描愈黑，拍片澄清於事無補，自費驗毒挽回聲譽都係被人鬧爆。近日又被黑粉群組爆出威威疑似容貌升級，仲推斷出威威堅持帶罩原因！
威威陷容貌升級疑雲 爆出舊照對比圖
FB群組「除罩威威留餸區」爆出多張威威的舊照，眼利的網民開始發現威威的鼻樑同往日疑似有出入，雖然威威一直未有除罩，但一拼之下現時威威照片的鼻樑非常高挺，而往日就明顯無咁高。不過網民就指係角度問題，始終威威現時還未除罩，未能完全判斷事否屬實。
網民推測威威唔除罩原因！
網民仲推測威威堅持唔除罩的原因，指可能因為出道後容貌升級後留下痕跡仍未消退。不過亦有網民指唔除罩係因為威威早前爆出的吸食毒品問題，而令牙齒有所脫落，直頭無晒大牙，現時仍在處理牙齒中，網民建議如想澄明清白應該除罩以示清白。
關鍵詞
豬肉威威
圖片來源：fb＠除罩威威留餸區，ig＠waiwai_608
