姜濤、MIRROR叱咤入5強傳出種票疑雲 花姐抵死暗嘲回應｜頭號粉絲

撰文：異種火星人｜圖片來源：姜濤IG、商台｜影片來源：Youtube

姜濤、MIRROR擊倒張敬軒、容祖兒、鄭秀文入叱咤5強

商台早在本月4日時發出通告，指《叱咤樂壇流行榜頒獎典禮》因未能找到最妥善的方法，及為保眾人的安全為理由而取消實體，改由其他方法進行，雖然如此，但網上依然繼續開放比眾網友、樂迷投票，讓大家都可以投選出心水歌曲。

昨日（20日）商台就公布出「我最喜愛歌曲」五強名單，當中包括有(排名依筆劃序)：MIRROR的《Reflection》、姜濤的《一號種籽 》、方皓玟的《人話》、RubberBand的《未來見》、許廷鏗的《我們與愛的距離》；向來都是頒獎禮大贏家的鄭秀文、張敬軒、容祖兒等相繼在7強止步。

姜濤與MIRROR入5強全因種票？！

姜濤、MIRROR均是《全民造星》選出，算是入行不久的新人，所以有不少網友看到「我最喜愛歌曲」五強名單後，就指有「種票」嫌疑，「咭黨們記住投佢呀…咪鬆懈喎.等睇笑話」、「姜B仲有時間拎獎」、「因為婆娘太多電話咭谷首垃圾」；反之有好多網友都替Sammi鄭秀文首《我們都是這樣長大的》及林二汶的《最後的信仰》大感不值。

花姐抵死回應種票傳聞

姜濤、MIRROR的經理人花姐接受媒體訪問，聽到網上流傳「種票」時反應愕然，並表示：「我無錢買電話卡，要多謝Fans由《全民造星》到依家一路都咁支持。其實我哋從來都無諗過要喺今年內拎獎，所以唔會做呢啲嘢！如果真係要買，就唔止買電話卡啦，要連埋IG Followers一齊買，你睇下姜濤個IG先得個7萬Followers咋！」