個個都是潛力股 盤點圈中肥仔血淚史 姜濤昔日200磅「死肥仔」變今日男神！
廣告
明星名人都唔係天生麗質食極唔肥一帆風順，fit 爆男神級完美體態背後總付出過淚水與汗水，當你發現原來佢哋都肥過走樣過，係咪當堂多個動力令自己站起來去做運動呢？
撰文、圖片：東方新地丨原文刊於：東方新地丨編輯：白子
廣告
盤點圈中肥仔血淚史
何遠東勁減80磅
由細肥到大、更因為肥得可愛有喜感拍劇入屋，高峰時期體重超過280磅，何遠東2017年的起心肝為健康減去50磅已經令人刮目相看。點知一場疫情，人人留家食同瞓長肉抗疫，唯獨東東因為太得閒反而走去鑽研減肥，早餐飲韓國ABC果汁、少食澱粉質、每日堅持個半小時運動，再瘦多30磅，勁！
姜濤餐餐炸雞薯條最肥試過200磅
人人叫佢姜 B，可能係最成功最吸粉嘅小鮮肉兼女人湯圓，係呀，姜濤出道前都係肥仔，仲要由細肥到大一度達到200磅個人巔峰。曾經餐餐炸雞薯條、臨瞓啪多兩個漢堡包，中學後姜濤唔想再過被取笑連向心儀女生表白都冇勇氣嘅日子，睇住對方同靚仔拍拖，姜濤因此下定決心跑步減肥，呢個習慣到今時今日做咗萬人迷仲堅持緊。
蕭徽勇60日成功減去100磅
《放學ICU》大嘅小朋友個個見慣肥騰騰嘅哥頓哥哥，蕭徽勇曾經真係愈食愈肥，體重一度超過300磅，直至2017年中因為胃痛入院，發現血壓高到有機會中風，終於開始正視問題為身體健康而減肥。結果通過蔬果汁斷食餐單再加埋勤做gym，六十日成功減去100磅。
