早霸王｜姜濤笑指已買樓「完成目標」：冇乜必要再撈落去

姜濤昨日（4日）接受商台節目《早霸王》訪問，除咗大談新歌《Dummy》背後故事外，仲笑言自己已完成買樓目標，覺得唔想撈，仲自爆曾向公司提出「雪」自己一年！

姜濤早霸王姜濤接受商台節目《早霸王》訪問。 — 姜濤接受商台節目《早霸王》訪問。（圖片來源：[email protected]）

姜濤：我連樓都買埋…有地方可以收埋

談到第11胎「插班生」《Dummy》，姜濤坦言是源於年頭的《叱咤》演出後，網上出現海量負評，更自爆本來想叫公司「雪」自己一年。三位主持隨即爆笑反問：「係咪其實想休息一年？」他笑言︰「唔係，你諗吓，我連樓都買埋…有地方可以收埋，我覺得冇乜必要再撈落去，哈哈﹗講笑啫﹗想平靜一年，沉澱下再進步多啲，的確對自己都唔滿意。」但他無悔當晚的演出：「做藝術同歌手本質就係要自己High咗先，嗰個Moment用自己方式去表達情緒，冇話要後悔啲咩。」森美就大讚姜濤性格直率，正因為這份直率才會有這個表演。

姜濤早霸王叱咤樂壇頒獎典禮不知係咪因為姜濤因腳傷後久未出席表演，表演得獎歌時今次特別興奮，衝出舞台到台下狂奔。 — 不知係咪因為姜濤因腳傷後久未出席表演，表演得獎歌時今次特別興奮，衝出舞台到台下狂奔。（圖片來源：my903.com 商業電台）

姜濤早霸王叱咤樂壇頒獎典禮姜濤不斷大叫「let’s go」「I’m back!」 — 姜濤不斷大叫「let’s go」「I’m back!」（圖片來源：my903.com 商業電台）

姜濤早霸王叱咤樂壇頒獎典禮姜濤此舉似乎引嚟唔少網民的不滿「當左自己個唱，個場係自己咁？」 — 姜濤此舉似乎引嚟唔少網民的不滿「當左自己個唱，個場係自己咁？」（圖片來源：my903.com 商業電台）

諗過以後唔唱《蒙著嘴說愛你》

姜濤透露原定的第11胎是一首好開心、好輕鬆的歌，但因為年初在叱咤頒獎台上的演出，所以決定將原來的歌曲押後推出：「本身唔諗住再出Dark嘅嘢，覺得係一個新開始，因為前面10首歌，我要講嘅嘢都已經講晒，係時候要一個新篇章去講啲輕鬆嘢，自己又好、聽眾又好都會悶。」

主持梁嘉琪和小儀指很多人掛住《蒙著嘴說愛你》的曲風時，姜濤自爆曾想過以後都不再唱這首歌：「我有諗過唔再唱呢首歌，覺得疫情都過咗去…冇乜意慾再去唱，大家冇需要再蒙着嘴。」森美直言：「不過我都知你會再唱」，姜濤笑指：「我驚到4、50歲，去到嗰個年紀仲cute cute呀？」

姜濤早霸王姜濤自爆曾想過以後都不再唱《蒙著嘴說愛你》。 — 姜濤曾諗過以後唔唱《蒙著嘴說愛你》。（圖片來源：YouTube@MIRROR）

《DUMMY》敲頭動作想表達敲醒自己意思

《DUMMY》的舞蹈是由姜濤偶像羅志祥（小豬）的御用排舞師大目編排，當中的敲頭招牌動作就由姜濤設計。他透露首次聽到這首歌時就想到敲頭的動作，想表達敲醒及提醒自己的意思︰「呢首歌係一個自嘲，係記錄嗰個時期嘅自己需要去記得自己嘅初衷。大家可以繼續敲我﹗嗰幾個月，大家真係敲得好勁﹗」

而歌曲內的魔性笑聲，姜濤坦言都是一個自嘲行為，他帶點無奈表示：「大家都笑你，笑到我都想笑番自己。」姜濤曾言開頭都有點驚，以為大家覺得他黐線，但他希望樂迷能意會到他想表達的東西，更提醒不要太框死自己，表達憤怒有好多方式，亦不用太激進。

姜濤早霸王歌曲內的魔性笑聲，姜濤坦言都是一個自嘲行為。 — 歌曲內的魔性笑聲，姜濤坦言都是一個自嘲行為。（圖片來源：YouTube@MIRROR）

姜濤早霸王敲頭招牌動作就由姜濤設計。 — 敲頭招牌動作就由姜濤設計。（圖片來源：YouTube@MIRROR）

個人演唱會以「水」做主題

訪問途中，姜濤有幾聲咳。森美對他說︰「你唔好病，瞓多啲，你一病就全世界都好緊張﹗你有冇覺得『其實我咳，你哋又覺得好大件事。我整親腳，你哋又覺得大件事』，所以唔敢病？」姜濤說︰「 OK嘅，多謝大家關心。有人關心都開心嘅，不過希望大家有時唔需要過度擔心我。我都大個，大家都係﹗」最後，提到8月的個人演唱會，姜濤透露會以「水」的概念做主題︰「可以好似水咁樣，有一種態度。」