追姜濤讓70歲媽媽重發生機：追佢令我忘記年齡！兒子呷醋投訴：無時間陪我

撰文：Andy｜圖片：Youtube截圖｜編輯：海月

追姜濤讓70歲媽媽重發生機：追佢令我忘記年齡！兒子呷醋投訴：無時間陪我

地方的媽媽需要「姜」

粉絲經濟一直係今年亞洲各個地區經濟增長的重要引擎。近日，港台節目《視點31》訪問多名姜濤粉絲，其中一位媽媽只顧追星，惹來兒子「投訴」。

一眾姜濤粉絲早前在銅鑼灣金百利商場合租戶外熒幕為播姜濤MV，為姜濤增加曝光。有媽媽級粉絲帶同兒子來支持，但兒子被記者問到是否同樣支持姜濤時，兒子就檸晒頭，更扁嘴：「媽媽掛住睇佢，無時間陪我」，媽媽唯有笑稱兒子呷醋帶過。

望見姜濤好舒壓 每晚都要睇姜濤的片

同樣是身為媽媽的Africa，訪問當日特意「拋夫棄子」，放低家頭細務，帶同兩個姜濤公仔到熒幕前打卡。佢更情不自禁地跳起MV中的舞蹈，表情十分投入。

Africa坦承，追星時能夠釋放天性。讓佢覺得自己更加年輕、更有活力，最重要係可以忘卻所有壓力。

佢更透露，每晚待子女進睡之後，都會看姜濤的影片舒壓。佢嘴角微笑：「看到他就會不自覺地笑」。

追姜濤讓70歲媽媽重發生機 追佢令我忘記年齡

見到姜濤感覺年輕咗嘅媽媽唔只一位，另一名年屆70的「媽媽糖」Eva，指自己追星時找回年輕的自己，甚至可以忘記自己嘅年齡。唔好見佢年近70，佢行動力甚高！更試過到姜濤工作的地方及停車場守候，千辛萬苦只為見姜濤一面，十分迷戀～