姜濤開名反擊負評咪嘴「真的忍不了」家明：唔好再縱容姜濤

MIRROR人氣王姜濤早前出席活動時被指演唱《蒙著嘴說愛你》時「咪嘴」，引來不少網民負評，指姜濤出道五年依然冇進步又唔專業，引來不少「姜糖」護駕反擊，連日來罵戰不斷。昨晚（10日）姜濤終於發文指「真的忍不了」，並截圖開名反擊某酸民負評，其後雖然刪除，但引起唔少網民以及KOL等認為姜濤做法有問題。

姜濤咪嘴姜濤姜濤早前出席活動，被指疑似「咪嘴」遭網民狂插。 — 姜濤早前出席活動，被指疑似「咪嘴」遭網民狂插。（圖片來源：IG@keung_show）

姜濤開名反擊網民負評咪嘴「真的忍不了」

姜濤昨晚（10日）在IG發佈一張寫住「抱歉真的忍不了」的黑屏限時動態，之後再轉發一張自己回覆某位女網民對自己早前在活動被指「咪嘴」的負評。該名女網民留言批評姜濤指：「其實一聽就知唔係真唱啦比d認真同專業得唔得呀？唱首歌都要咪？真係唔ok啊！」姜濤在親身上陣回覆反擊：

你可以不喜歡但請你不要用你的主觀觀點去抹殺別人的努力，最讓我覺得生氣的是你的IG裡有一系列關於精神健康的分享，很好，但請你自己也要做到。不然我真的覺得很諷刺，你永遠不知道你看似輕描淡寫的一句話，能傷害一個人多深，按鍵真的可以傷人。

姜濤咪嘴姜濤姜濤開名反擊網民負評！ — 姜濤開名反擊網民負評！（圖片來源：IG@keung_show）

姜濤咪嘴姜濤花姐亦即刻發文隔空安慰！ — 花姐亦即刻發文隔空安慰！（圖片來源：IG@ahfa0908）

姜濤開樣瘋狂狙擊女網民「真的很諷刺」

轉發完自己回覆反擊網民的截圖後，姜濤又再發出一張黑屏限時動態，繼續鬧爆該名女網民：「無意中看到，這個評論真的很諷刺。常在IG分享關於精神健康資訊的人，嘴裡卻在說著傷害別人的話。你真的可以不喜歡，但請不要用你的主觀臆測，去傳播沒有被證實的事。我不喜歡這個社會上去幫別人解決精神健康問題的人，自己卻做著傷害別人的事。」一個小時過後，姜濤繼續瘋狂狙擊該名女網民，今次甚至PO埋女網民的自拍照，睇嚟今次真係好嬲喎！

姜濤咪嘴姜濤開名鬧完，再出新限時動態繼續鬧。 — 開名鬧完，再出新限時動態繼續鬧。（圖片來源：IG@keung_show）

姜濤咪嘴姜濤仲要開埋樣！ — 仲要開埋樣！（圖片來源：IG@keung_show）

女網民在限時動態發表心聲疑似曾被欺凌

遭姜濤點名回覆後，該位女網民亦馬上於限時動態發表心聲：「我真係唔明，如果是片造假，大可以澄清。是令我們誤會了嗎？但光睇，的確令人失望，人們都可以有不同看法，但沒有一句是惡意批評，反而只是觀點，我沒有對他有什麼看法。」同時有網民發現遭姜濤點名的女網民，曾經因被嚴重欺凌而患上焦慮症和社交恐懼症。多年後成功克服恐懼的女網民，亦曾經多次發文提倡「反欺凌」，分享有關精神健康資訊。

姜濤咪嘴姜濤事主遭姜濤炮轟後，即刻發文回應。 — 事主遭姜濤炮轟後，即刻發文回應。（圖片來源：IG截圖）

「姜糖」紛紛湧入女網民IG「討公道」

人氣王姜濤難得扯火開名反擊網民，護主心切的一班「姜糖」都紛紛湧入女網民IG新舊帖文留言，為姜濤「討公道」：「你係乜心理學家啊？你唔知道說話會好傷人嘅咩？」、「聽你講廢話」、「身為一個專業人士，咁鐘意亂講嘢嘅。」等。事主亦迅速限制外來者留言上限，避免有更多「姜糖」湧入IG留留言。

作家家明抱不平：請大家唔好再縱容姜濤

唔少網民以及KOL等都對今次姜濤的做法有唔同的睇法，甚至認為作為一個公眾人物實屬處理不當。網絡作家家明亦有對此表演意見，而且都非常激烈，出post叫大家唔好再縱容姜濤！家明表示該留言女子的留言字裡行間無人身攻擊，無粗口，只係直接批評一個以唱歌為事業的公眾人物，該留言亦獲得超過1,700個讚好，認為佢只係唔接受姜糖回應的「墊底聲」說法，點睇都唔係一個hater的留言。

家明：你份糧包㗎

家明亦認為作為一個「收取數以十萬薪酬表演兩首歌的專業歌手」，呢種甩碌seven咗要接受批評係正常不過的事，但佢竟然係story 公開一個毫無防禦力的普通女仔的樣，搞到佢IG被「姜糖」群攻。家明最後仲強調「24歲唔細㗎啦，難聽啲講句「你份糧包㗎」。」

姜濤咪嘴家明仲列出鏡安法5大觀察總結 — 家明仲列出鏡安法5大觀察總結（圖片來源：ig＠kaminghk）

網民意見兩極：家明，你自己都講錯過嘢啦

對於家明的狠批，都引嚟網民的留言大讚以及叫佢小心鏡安法，家明亦表示佢唔會道歉「終於有人講句公道說話唔係一味盲撐」「你講既大致上都啱，不過都係小心鏡安法」「家明，今次呢個 post 就很勇敢啦」

亦有網民唔同意佢的說法「家明，你自己都講錯過野啦，呢件事人地做得唔好咪就咁講呢件事，姜濤咁覆明顯有情緒壓力，好言相勸咪算，唔駛講到唔好放過人嘅，你兩年前嘅錯，咪又係比人淡忘，老老實實，你講返電影算啦」

姜濤任壓軸嘉賓疑咪嘴穿崩

姜濤於本月4日在「共創明Teen」計劃畢業禮上擔任壓軸表演嘉賓，他當時在活動上獻唱了《Master Class》及《蒙着嘴說愛你》。不過，他唱到《蒙着嘴說愛你》尾段時，大會安排4位小朋友上台，一直專心唱歌的姜濤見到身旁突然多了4位小朋友即刻嚇了一跳，並說：「你哋出咗嚟喇？」不過當時身後繼續播放的音樂卻仍然有姜濤的「唱歌聲音」，因此惹來咪嘴疑雲！

姜濤咪嘴姜濤疑咪咀穿崩「以笑遮醜」台上尷尬狂笑惹網民姜濤一開始都唱得好好地。 — 一開始都唱得好好地。（圖片來源：Youtube@Lingowong1023）

姜濤咪嘴姜濤疑咪咀穿崩「以笑遮醜」台上尷尬狂笑惹網民姜濤見到身旁突然出現四位小朋友即刻嚇親。 — 見到身旁突然出現四位小朋友即刻嚇親。（圖片來源：Youtube@Lingowong1023）

姜濤以笑遮醜場面尷尬

當時的姜濤不知如何是好，唯有不停以笑遮醜，又遮面又蹲下來不停掩嘴笑。不過，台上的4位小朋友卻反而目無表情，令場面變得更加尷尬，搞到姜濤都忍唔住笑指：「你唔郁嘅！」他又問另一位小朋友：「你係唔係好唔耐煩？」但4位小朋友依然冇乜反應，姜濤到最後指無可奈何拖著他們慢慢離開舞台。

姜濤咪嘴姜濤疑咪咀穿崩「以笑遮醜」台上尷尬狂笑惹網民姜濤無理背後音樂，直接蹲下繼續笑。 — 無理背後音樂，直接蹲下繼續笑。（圖片來源：Youtube@Lingowong1023）

姜濤咪嘴姜濤疑咪咀穿崩「以笑遮醜」台上尷尬狂笑惹網民姜濤結束後同身旁小朋友搭訕，但小朋友就冇乜反應。 — 結束後同身旁小朋友搭訕，但小朋友就冇乜反應。（圖片來源：Youtube@Lingowong1023）

自嘲太老怕學生唔識自己

此外，當姜濤唱完《Master Class》之後，又唱又跳的姜濤喘晒氣，並表示擔任畢業禮的壓軸嘉賓簡直緊張過開自己演唱會：「我入行5年以嚟第一次喺學生哥面前表演，係有少少緊張過開演唱會。同埋好驚見到你哋，因為雖然好多人話我仲係好後生，但係我真係覺得自己好老。」姜濤又笑指在場學生應該唔知自己係邊個：「你哋知唔知我係邊個？我唔知你哋呢個世代知唔知我係邊個。」

姜濤咪嘴姜濤疑咪咀穿崩「以笑遮醜」台上尷尬狂笑惹網民姜濤今次姜濤擔任「共創明Teen」計劃畢業禮壓軸嘉賓，獲姜糖們大讚姜濤為「年輕人的榜樣」 — 今次姜濤擔任「共創明Teen」計劃畢業禮壓軸嘉賓，獲姜糖們大讚姜濤為「年輕人的榜樣」（圖片來源：Facebook@Eric Chan 陳國基）

網民留言狠批姜糖回擊為偶像平反

姜濤今次疑似咪嘴出崩的影片流出後，隨即在網上引起熱議。有網民批評姜濤不夠專業，指出他原本就已經經常咪嘴：「有睇佢演唱會就會知佢唱成點，冇睇嘅講亦唔會知」、「善良孝順努力都救唔番」、「有邊次嘅演出係符合一個普通藝人嘅基本標準呢」、「淨係識傻笑，專業啲喇」等。眼看偶像被攻擊，姜濤的粉絲亦不斷護主，紛紛留言為姜濤平反，堅持表示是大會播放的背景音樂中的「墊底」太大聲，又堅稱姜濤確實有真唱，只是「墊底音樂」蓋過姜濤的聲音。